web counter
LEXO PA REKLAMA!

SHKARKO APP

App Store
Google Play

E fundit!

x

Presioni amerikan vë në lëvizje kryeministrin Rama

30 Korrik 2015, 06:13, Aktualitet CNA

Shtetet e Bashkuara të Amerikës dhe Bashkimi Evropian duket se po fitojnë betejën me udhëheqjen politike të Tiranës, për ndarjen e shtetit shqiptar nga bota e krimit, trafiqeve dhe korrupsionit.   Pas një presioni në rritje disamujor, kulmuar me një raport të pazakontë dhe alarmues të Departamentit Amerikan të Shtetit, ora e largimit të deputetëve, kryebashkiakëve, diplomatëve, gjyqtarëve dhe drejtorëve të inkriminuar duket se po afron.

Politika shqiptare, sidomos mazhoranca qeverisëse ka bërë rezistencë, duke refuzuar sistematikisht kërkesën me natyrë ultimative të amerikanëve për të larguar deputetët e inkriminuar nga Parlamenti dhe kandidatët me rekorde kriminale nga zgjedhjet e 21 Qershorit. Por, pas raportit të fundit të DASH, çka paralajmëronte se loja po merrte një rrjedhë të rrezikshme, ka ardhur edhe reflektimi.

Kryeministri Edi Rama do t?i hapë rrugë pastrimit të Parlamentit, institucioneve dhe qeverisjes vendore nga njerëzit me rekorde kriminale, pavarësisht kostos që mund të ketë në zgjedhjet e ardhshme. Ndonëse raportet me amerikanët i çoi në një pikë kritike, shefi i mazhorancës ka shpejtuar lëvizjet për miratimin e një drafti në shtator, i cili do të përjashtojë pushtetarët me të shkuar kriminale. Me kërkesën e kryeminsitrit Rama, ligjvënësit dhe ekspertët e PS, pa i japin formë një projektligjit për të adresuar çështjen e dekriminalizimit. Sipas burimeve, drafti pritet të jetë produkt i dy drafteve që janë dorëzuar në Kuvend para zgjedhjeve lokale./ Sot

 





Lajmet e fundit nga