web counter
LEXO PA REKLAMA!

SHKARKO APP

App Store
Google Play

E fundit!

x

Edhe njëhërë për vjedhjen në PD dhe mbrojtësit e hajdutit

29 Korrik 2015, 11:09, Aktualitet CNA

Nëpërmjet një shkrimi në www.citynews.al, publikuar edhe në media të tjera online, disa ditë më parë denoncova një vjedhje dhe skandal në PD. Një vjedhje që ka autor me emër dhe mbiemër, por që në fakt askush nuk reagoi, për më tepër shumë prej eksonenteve të PD, ngrejnë dyshime e quajnë të pabesueshme, ose më keq akoma, nuk kanë kurajo të japin opinion për një skandal dhjetra milionë leke brenda sektorit të organizimit në PD.

Asgje nuk është hamendësim dhe as e pa provuar. Faktet janë konkrete, verifikimi është bërë por gjithcka kërkohet të fshihet. Në vitin 2011 në PD filloi procesi i paisjes me tesera të reja. Një teser kushtonte 500 lekë të reja ose 5 mijë të vjetra. Janë printuar afërsisht rreth 50 mijë të tilla. Shuma total shkon në rreth 250 milion lekë. Por e vërteta është që shumë degë dhe struktura nuk i kanë paguar totalisht detyrimet, kryesisht shpërndarja dhe arkëtimet ecën më mirë në Tiranë.florian xhuti

Dikush e quan një sulm personal ndaj Florian Xhutit, përsonit të akuzuar për këtë abuzim dhjetra milionë lekë. Por në fakt ska asnjë sulm personal, por ka një skandal financiar dhe një vjedhje të hapur. Për këtë vjedhje dhe abuzim ka edhe një shkresë drejtuar kreut të PD Lulzim Basha, nga ish-shefja e financës F.E., e cila ve në dijeni kryetarin e PD, për mungesën e arkëtimit të dhjetra milionë lekëve të teserave të vitit 2011, këto lekë duhet të derdheshin nga Florian Xhuti, por nuk u derdhën kurrë deri diten qe ajo dorezoi detyren.

As Lulzim Basha, dhe as shumë drejtues të PD, nuk e mohojnë dhe nuk e fshehin dot këtë skandal, pra abuzimin me teserat dhe vjedhjen qe ka ndodhur tek organizimi i opozitës të sotme, dje në pushtet. Thjesht po kërkohet të kalohet në heshtje apo të mbrohet dhe shpërblehet hajduti.

Kalimi në heshtje dhe largimi i Xhutit për këtë vjedhje mund të ishin minimumi që opozita mund të bënte në këtë moment. Mbrojtja është fatale dhe katastrofa është shpërblimi. Pra, me mbrojtje dhe shpermbim vertetojme se,  Xhuti ka qenë në pazare me kreret aktualë të PD, jo për milionat e vjedhura, por për manipulime listash në zgjedhjet në PD, apo abuzime ne procedurat dhe falsifikim rezultatesh gjate zgjedhjeve në degët e PD. Frika se Xhuti mund të flasë, të tregojë manipulimet dhe skandalet e mbajtura në heshtje, stepin ndoshta Bashën dhe të tjerët, që nuk janë ortakë në vjedhje por janë peng i veprimeve të tyre manipulative.

Florian Xhuti, një specialist organizimi është një nga personazhet  e shumë kontestuar për manipulime në numërime, apo fallcifikime listash, kuptohet gjithkca ka qenë e urdhëruar. Tashmë i quajturi ?miu i qilareve të PD?, përfshihet në një skandal vjedhjesh. PD ende nuk ka dhënë reagim qoftë dhe jo zyrtar cka e thellon më tepër skandalin, ndaj të cilit citynews.al nuk do ndalet deri në zbardhjen e plotë dhe reagimin e drejtuesve të opozitës. Mos reagimi i tyre në kohë, thjesht i implikon ata në një vjedhje ku nuk janë të përfshirë, dhe opoziten fatkeqsisht nuk e ben me te paster dhe te besueshme, por dyshuese dhe ende te pa distancuar nga aferat dhe korrupsioni.

Elvi FUNDO





Lajmet e fundit nga