web counter
LEXO PA REKLAMA!

SHKARKO APP

App Store
Google Play

PS nis analizën e zgjedhjeve, pezullohen kryetarët dhe drejtorët humbës në rrethe

26 Korrik 2015, 06:19, Aktualitet CNA

Partia që ka fituar thellë në dy procese zgjedhore radhazi, duke u konfirmuar si subjekti politik absolutisht më i madh në Shqipëri, befas ka nisur një proces radikal reformimi dhe ristrukturimi.    Për strukturat e Partisë Socialiste në të gjitha nivelet, pushimet e gushtit, do të shënjohen nga analiza, spostime, ndarje përgjegjësish etj.

Stina e re politike e Partisë Socialiste sapo ka nisur. Dy ditë pas darkës që kryeministri Edi Rama shtroi për deputetët dhe ministrat në Surrel, në Partinë Socialiste ka nisur edhe procesi i analizës së zgjedhjeve dhe zbatimi i detyrave të tjera, të përcaktuara në mbledhjen e fundit të Asamblesë Kombëtare.   Deputetët e Partisë Socialiste janë zhvendosur në zonat e tyre, për të përgatitur raportet për rezultatin në zgjedhjet e 21 Qershorit.

Krahas përgatitjeve të raporteve për rezultatin, do të nisë edhe mbledhja e Asambleve të Partisë Socialiste në rrethe. Në këto mbledhje do të diskutohet për detyrat e Asamblesë Kombëtare, rezultatin, analizën e rezultatit, shkaqet e humbjes në disa bashki, riorganizimi i PS, punësimet dhe probleme të tjera të partisë. Ky proces do të vijojë deri në muajin shtator. Gjatë mbledhjeve të Asambleve pritet të merren vendime edhe për lëvizje dhe ndryshime drejtorësh, në bazë të performancës dhe pakënaqësisë së bazës socialiste./ Sot

 





Lajmet e fundit nga