E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

E ardhmja e Europës në duart e Greqisë

3 Korrik 2015, 17:45, Ekonomi CNA

Bashkimi Europian nuk ka asnjëherë një situatë si ajo e tetë ditëve të fundit në Greqi: bankat nuk punuan, u vendosën kontrolle kapitali, për herë të parë një vend i zhvilluar nuk pagoi FMN, kolapsi i një pakete shpëtuese multi-milionëshe, planet për një referendum që mund të shpejtojë nxjerrjen e Greqisë nga monedha e vetme, dhe një popull lypës. Nëse situata nuk do të ishte kaq tragjike, të gjitha këto samite emergjente dhe kërkesa të minutës së fundit do të llogariteshin si farsë, shkruan The Economist.

Në fakt, kjo është një tragjedi, ku rezultati që të gjitha palët nuk e duan, një dalje e Greqisë nga euro-duket se ka gjithnjë e më shumë të ngjarë. Kaosi është dëshmi se largimi nga euro do të jetë shkatërrues për Greqinë, jo vetëm se fitimet modeste nga falimenti dhe zhvlerësimi do të tejkalohen nga destabiliteti ekonomik dhe politik. Për pjesën e Europës, gjithashtu, ?Grexit? ka gjithashtu rreziqe, veçanërisht atë të një shteti të falimentuar në juglindjen e kontinentit. Por, teksa drama është bërë më dëshpëruese, europianët duken më pak të shqetësuar. Ata qetësohen nga fakti se Greqia është në mënyrë unike jo funksionale. Teoria e lojës dhe keqllogaritjet e përsëritura kanë helmuar negociatat. Pa Greqinë, mund të thonë shumë vetë, eurozona mund të jetë më shumë stabël.

Fatkeqësisht kjo është e gabuar. Shikoni përtej Greqisë dhe kërcënimi për konflikte të mëtejshme në Eurozonë është I pashmangshëm. Megjithëse dalja e Greqisë mund të rezultojë e pakthyeshme, askush nuk e di se çfarë shkelje ligji do të çonte në një përjashtim. As nuk do të zgjidhte polarizimin e pashmangshëm të qeverive debitore dhe kreditorëve në paketat shpëtuese. Në rast se monedha e vetme nuk përballet me nevojën për reforma, atëhere kjo krizë ose tjetra do të dëshmojë më shumë Greqira, më shumë gabime dhe më shumë javë të mjera. Me kohën, kjo do të përçajë euron dhe vetë BE-së.

Monitor.al