E fundit!

16:38 Kronika

Aksident i rëndë në aksin Tiranë-Elbasan/ Betonierja bie nga lartësia, dyshohet për viktima

Një aksident i rëndë është shënuar këtë të mërkurë në aksi...

Ja si ta tërhiqeni vëmendjen e tij

31 Maj 2015, 13:00, Lifestyle CNA

Në rutinën e përditshme, pavarësisht të gjitha obligimeve jetësore, shpeshherë pa dashur hyn edhe raporti me partnerin. Ju duhet ta freskoni lidhjen tuaj, pa harruar disa imtësi që do ta bëjnë diferencën në lidhjen tuaj.

Bëjeni me dije se jeni krenar me të

Meshkujve ju pëlqen që të ndjeheni krenarë me ta, por këtë nuk e thonë drejtpërdrejt. Bëjani me dije se krenoheni me arritjet e tija profesionale dhe me mbështetjen që ua jep në jetë. Thojuani këtë pasi të kthehet në shtëpi pas një dite të lodhshme që ka pasur në punë, që ta kuptojë se jeni e vetëdijshme për mundin që e jep dhe se ju intereson secili detaj i jetës së tij.

Përkujtojeni në një natë të çmendur në dhomën e gjumit

Kjo është një deklaratë e bukur që do ta përmirësojë raportin tuaj dhe do t?i japë freski pavarësisht detyrave të përditshmërisë. Seksi është një akt tejet i rëndësishëm në martesë, mbase është edhe e para gjë që ju bie ndërmend. Përkujtojeni në lojërat e zjarrta në shtrat, kjo i bën mirë lidhjes suaj. Gjithashtu, bëjani me dije se do të duhet të përsëritet sa më parë që të jetë e mundur.

Befasojeni me ftesë për pije a darkë

Befasojeni me ndonjë dalje të paplanifikuar, qoftë për darkë apo për një gotë verë në një ambient intim në një lokal të dashur për ju. Kjo mund të jetë mjaft seksi. Ky spontanitet do t?ia rikujtojë se ju përveç obligimeve i ndani edhe kënaqësitë dhe argëtimet.

Dëshmojani se nuk jeni xheloze

Nëse vëreni që ndonjë femër në lokal përpiqet ta provokojë partnerin tuaj, bëjani me dije se po e hetoni këtë gjë dhe se jeni e lumtur që ai është burri juaj. Kjo nuk e kërcënon martesën tuaj. Përkundrazi, kjo ia rrit vetëbesimin partnerit tuaj dhe ia shpreh atij kënaqësinë që keni ju në këtë lidhje dhe se aspak nuk jeni xheloze.

Falini kujdes e ndjeshmëri dhe të njëjtën priteni edhe prej tij

Pavarësisht se mund të jeni person i fuqishëm që i kryeni vetë obligimet, prapëseprapë keni nevojë që dikush t?ju kushtojë kujdes dhe ndjeshmëri. Po këtë nevojë e kanë edhe meshkujt, prandaj i thoni atij se duhet të pushojë më shumë, se duhet të shkojë të flejë apo thjesht bëjini një masazh. Falini pak ndjeshmëri dhe do të shihni se kjo do t?ju rikthehet.

Argëtimet e ripërtërijnë lidhjen

Argëtimet e freskojnë lidhjen në raste ftohjesh. Për shembull shikimi i ndonjë filmi, pjesëmarrja në ndonjë ditëlindje miqsh, përgjigjja ndaj ftesës së ndonjë fqinji për pije e për këngë deri në orët e vona mund ta freskojnë lidhjen tuaj edhe më shumë. Rezultatet e këtyre argëtimeve shihen shpejt.