E fundit!

12:10 Aktualitet

Çmimet e reja të karburanteve/ Ja sa do të shitet sot nafta dhe benzina

Bordi i Transparencës merr vendimin për çmimet e reja të k...

Deputetët: Vuçiç erdhi në Tiranë për para

30 Maj 2015, 08:08, Aktualitet CNA

Politikanë dhe historianë kanë komentuar vizitën e kryeministrit serb në Tiranë, Aleksandër Vuçiç. Deputetë të Kuvendit të Shqipërisë thanë se misioni i vizitës së Vuçiç në Tiranë nuk konsistonte vetëm në shkrirjen e akujve mes dy vendeve, por edhe për të kërkuar financime nga Bashkimi Europian. Deputeti socialist, Arben Çuko, në një prononcim për gazetën ?Sot?, theksoi se kërkesa e kryeministrave të rajonit për t?i kërkuar fonde Bashkimit Evropian ishte mëse i drejtë, pasi vetëm kështu do të arrihet që Ballkani të jetë i qeta, pa konflikte. ?Kryeministrat e rajonit bënë mirë që i kërkuan fonde Bashkimit Europian, sepse një Ballkan i qëndrueshëm i sjell shumë pak telashe Europës. Europa e di këtë aksiomë, dhe për të zgjidhur këtë aksiomë duhet të veprim.

Pra, Europa duhet të hedhë para për Ballkanin! Ndaj, paratë janë një arsye e vizitës?, u shpreh deputeti Çuko. Por, përpos misionit për të kërkuar para, takimi Rama-Vuçiç kishte si qëllim kryesor normalizimin e marrëdhënieve mes Shqipërisë dhe Serbisë pas incidentit në Beograd. ?Vuçiç erdhi një ditë përpara mbledhjes së samitit të kryeministrave të rajonit për të normalizuar marrëdhëniet mes dy vendeve. Qëndrimi jonë dhe i Serbisë për Kosovën është diametralisht i kundërt. Punë e madhe! E rëndësishme është që dy shtetet të jenë në harmoni me njëri-tjetrin dhe të thellojnë bashkëpunimin në të gjitha fushat?, u shpreh Çuko.

Avokati i njohur, Spartak Ngjela, vlerësoi me nota tejet pozitive takimin Rama-Vuçiç, duke theksuar se kryeministri Rama ishte superior ndaj atij serb. Ngjela tha se Vuçiç nuk ishte i qetë, pasi ishte i komanduar. ?Takimin e dominoi Rama, i cili ishte superior?, tha Ngjela. Beqir Meta Historiani Beqir Meta, në një prononcim për gazetën ?Sot?, vlerësoi takimin Rama-Vuçiç, si një shkëndijë pozitive për të thyer akullin dhe për të vendosur urat e bashkëpunimit mes Shqipërisë dhe Serbisë. Por, ai theksoi se nuk mund të ketë shkrirje akujsh me serbët pa kërkuar falje për masakrat në Kosovë. ?Mendoj se është ende herët për të thënë se marrëdhëniet mes Shqipërisë dhe Serbisë janë normalizuar.

Megjithatë, takimi mes Ramës dhe Vuçiç ishte një pjekje për të vendosur urat e bashkëpunimit, pasi janë të nevojshme për të gjithë rajonin. Serbët duhet të kërkojnë falje për masakrat në Kosovë?, u shpreh Meta. Historiani Beqir Meta tha se pavarësisht përpjekjeve të kryeministrit Rama për të vendosur urat e bashkëpunimit me Serbinë, kjo e fundit nuk është moderuar nga qëndrimi i saj për Kosovën. ?Takimet janë pozitive për të shkëmbyer ide. Por, duhet thënë se nuk është moderuar qëndrimi i Serbisë për Kosovën. Vijon ende të mbizotërojë fryma antishqiptare, siç ndodhi në Beograd. Kjo shihet edhe në nivele të larta të politikës serbe. Pra do të duhet kohë që të normalizohen marrëdhëniet dhe të shkrihen akujt mes dy shteteve?, u shpreh Beqir Meta.