web counter
LEXO PA REKLAMA!

SHKARKO APP

App Store
Google Play

E fundit!

x

Gazeta Blic e Beogradit: Lamtumire Putin!

29 Maj 2015, 14:40, Aktualitet CNA

Kthimi i Serbisë me fytyrë kah SHBA-të, tashmë po vërehet edhe me ?sy të lirë?. Kryeministri serb, Aleksandër Vuçiq, i cili ka një përkrahje masive nga populli serb, ka filluar rrugën për rregullimin e disa marrëdhënieve jo të mira të trashëguara nga e kaluara.

Ai para disa ditësh erdhi në Tiranë, gjë që deri vonë ka qenë një paradoks për një kryeministër serb, kurse tash edhe me aleatin e shqiptarëve, Amerikën, po fillon bashkëpunimin në sektorin e energjisë.

Gazeta serbe ?Blic?, sot ia ka kushtuar ballinën kësaj teme. E gjitha fillon me një mbititull ku shkruan ?KTHESË: Vuçiq kthen energjinë e Serbisë kah SHBA-të?.

?Lamtumirë, shoku Putin? është titulli që sot ka ?vrarë? syrin e serbëve që lexuan këtë artikull. Aty thuhet se Serbia për herë të parë vendosi që të mos varet nga Rusia në fushën e energjisë. Kjo rrodhi pasi Vuçiq pranoi thirrjen nga SHBA-të që Serbia të bashkohet në gazsjellësin nga Azerbajxhani.

Kthimi i Serbisë kah amerikanet nëpërmes Azerbajxhanit mund të jetë e çuditshme por amerikanët kanë nën menaxhim shumicën e bazeneve të naftës dhe gazit në Azerbajxhan. Kjo ka shtyrë që në vitin 2013, aksionarë nga SHBA-të të bëjnë investime edhe në sektorë tjerë të Azerbajxhanit deri në 880 milion dollarë.

Nga ana tjetër zyrtarë nga Rusia kanë lëshuar deklarata në këtë llogari duke thënë se Serbia nuk ka asnjë alternativë tjetër dhe do të vazhdoj ende të blej gazin rus.





Lajmet e fundit nga