E fundit!

12:38 Aktualitet

Sloganet kundër në protestë/ Berisha: Janë vegël e opozitës së opozitës

Kryetari i Partisë Demokratike, Sali Berisha, ka deklaruar...

PD: Veliaj mashtroi për hapjen e 62 mijë vendeve të reja të punës, hoqi ndihmën ekonomike për 20 mijë familje

29 Maj 2015, 12:57, Politikë CNA

Partia Demokratike në një deklaratë për media theksoi se njerëzit janë lodhur nga premtimet e pambajtura të Erion Veliajt.

Sipas saj, në 2013 Erioni premtoi 62,000 vende pune përmes reformimit të programit të ndihmës ekonomike duke e zëvendësuar me mundësi reale punësimi në shërbim të komunitetit.

PD-ja thekson se ky premtim nuk është mbajtur nga Veliaj.

Deklarata e plotë e PD

Punë e jo fjalë. Njerëzit janë të lodhur nga përsëritja e PREMTIMEVE të pambajtura të Erion Veliajt të dy viteve më parë, dhe që tani paraqiten me ambalazh të ri për Tiranën.

Në 2013-ën Erioni PREMTOI: ?62,000 vende pune përmes reformimit të programit të ndihmës ekonomike duke e zëvendësuar me mundësi reale punësimi në shërbim të komunitetit.?

A quhet Reformë përzënia e përmbi 20,000 hallexhinjve nga ndihma ekonomike pse kanë një tavolinë dhe ca karrige në shtëpi? Si do të jetojnë këta njerëz të vuajtur? Dhe Ku janë 62,000 vendet e punës që premtoi se do hapeshin? Erioni ishte Ministri përgjegjës për të realizuar PREMTIMIN e hapjes së vendeve të punës. Ai kishte plot 40% të buxhetit të shtetit për të realizuar këtë dhe dhjetëra premtime të tjera që po ia përmendim cdo ditë qysh prej 3 javësh dhe ia publikojmë në ëebsite. Erioni PREMTOI, por i kishte vetëm fjalë boshe dhe MASHTROI.

Sot përmbi 20,000 hallexhinj janë hequr nga ndihma ekonomike dhe mijëra të tjerëve u është ulur niveli i ndihmës. Nuk gjejnë punë në zyrat e punës. Punë ofrohet vetëm në këmbim të zarfit të rryshfetit ose në këmbim të abuzimeve seksuale nga perversët e pushtetit.

Papagalli i Ramës, vetëm PREMTON por i ka vetëm fjalë pasi nuk REALIZON. Erioni PREMTON veç për të marrë pushtet dhe nuk e ka problem t?i MASHTROJË sërish qytetarët sapo t?a ketë pushtetin. Ka 3 javë që çdo ditë po i kujtojmë Erionit nga një tjetër PREMTIM të thyer dhe nga një tjetër MASHTRIM. Votuesit nuk janë lodra që të MASHTROHEN përsëri.