web counter
LEXO PA REKLAMA!

SHKARKO APP

App Store
Google Play

ENGJËLL CARA NË TAKIM ME FERMERËT E BASHKISË KAVAJË

26 Maj 2015, 17:04, Politikë CNA

Në takimin me fermerët, kandidati i Bashkisë Kavajë, Engjëll Cara,  shpalosi para tyre, si grup interesi, shtyllat kryesore të platformës mbi zhvillimin bujqësor të Bashkisë Kavajë, duke qenë se 55% e territorit të Bashkisë së re, përbëhet nga tokë bujqësore. Një ndër zotimet e kandidatit Engjëll Cara, është krijimi i një drejtorie bujqësie me ekspert agronomë.

?Fond i veçantë për kanalizimet kulluese dhe vadtëse?, ishte një pikë tjetër e rëndësishme në programin e z. Cara.  Në këtë kontekst do të bëhet përpjekje që të kemi bordin tonë të kullimit, i cili të menaxhohet dhe të jetë nën vartësinë e Bashkisë. Panairet ciklike për të pasqyruar prodhimet e zonës, kështu fermerët do të mund të reklamojnë  produktet e tyre, në një numër më të madh njerëzish.

Në fjalën e tij kandidati Cara, preku dhe familjet fermere që në pamundësi të financave, do të ndihmohen ekonomikisht nga Bashkia Kavajë. Në këtë takim me fermerët, nuk mund të mungonin profesionistë të fushës. Prezent ishte dhe ekspreti, pedaogu i njohur i politikave bujqësore z. Bujar Huqi, i cili e vuri theksin tek ekonomia e lirë e tregut si një lehtësim për të ndihmuar fermerët të tregtojmë produktet në një rreze më të gjerë, se ajo rajonale dhe të konkurojë me fermerët europianë e botëror. Për të realizuar këtë, duhet të kemi një lobim të fuqishëm të gjithë së bashku, do të deklaronte më tej, pedagogu Bujar Huqi.

Në vijim të fjalës së tij, ai do të këshillonte, që të ndërtohej dhe një zyrë informacioni, që të informonte fermerët, për sëmundjet, pesticidet, TVSH-në dhe për çdo gjë tjetër që ka lidhje me elementët që ndikojnë në një zhvillim bujqësor të qendrueshëm.





Lajmet e fundit nga