web counter
LEXO PA REKLAMA!

SHKARKO APP

App Store
Google Play

Nis punimet Samiti i SEECP-së, Nishani: Ngjarjet në Kumanovë të mos kthehen në një konflikt ndëretnik

26 Maj 2015, 07:52, Politikë CNA

Kryetarët e Shteteve dhe Qeverive të Procesit të Bashkëpunimit të Vendeve të Evropës Juglindore (SEECP) janë mbledhur paraditen e sotme në Tiranë, në një takim të organizuar nga Presidenti i Republikës, Bujar Nishani, i cili përmbyll dhe Presidencën shqiptare të kësaj organizate.

Në fjalën përshëndetëse të mbajtur në hapje të Samitit, Presidenti Nishani tha se gjatë kryesisë së radhës së Shqipërisë u përmbush axhenda e parashikuar dhe avancimi i objektivave parësorë të kësaj organizate.

Kreu i shtetit shqiptar shprehu angazhimin e Shqipërisë për anëtarësimin ne BE, përmes plotësimit të kritereve të kërkuara.

Në fjalën e tij, Presidenti Nishani u ndal dhe tek situata në Maqedoni, duke kërkuar që të ndalen përpjekjet për t?i kthyer ngjarjet në Kumanovë në një konflikt ndëretnik.

Ai bëri sërish thirrje për zbatimin e Marrëveshjes së Ohrit dhe rritjen e bashkëpunimit rajonal.

Në këtë samit vihet re mungesa e presidentit Serb, Tomislav Nikoliç i cili nuk do të jetë i pranishëm ditën e sotme në Tiranë dhe në vend të tij do të jetë i pranishëm ambasadori Serb.

jahjaga-okPas përfundimit të tij pritet që të ketë edhe një deklaratë për shtyp. Ndërkohë, ky samit u parapri nga ai i ministrave të jashtëm të vendeve të Europës Juglindore i mbajtur pak ditë më parë në Tiranë dhe ajo që u arrit ishte antarësimi me të drejta të plota e Kosovës.





Lajmet e fundit nga