web counter
LEXO PA REKLAMA!

SHKARKO APP

App Store
Google Play

E fundit!

x

SHBA: Putin mund të pushtojë Maqedoninë dhe tokat shqiptare

23 Maj 2015, 07:13, Kosova & Bota CNA

Pas pushtimit të Krimesë, Vladimir Putin mund të synojë Ballkanin, duke hyrë në Maqedoni dhe në territoret e shqiptarëve, gjithnjë me pretekstin se po mbron popullin sllav në Maqedoni. Ky është paralajmërimi i senatorit amerikan, Chris Murphy, i cili u bën thirrje Shteteve të Bashkuara të Amerikës që të ndalin ekspansionin rus. Reagimi i senatorit amerikan ka ardhur një ditë pas kërcënimit të Ministrit të Punëve të Jashtme të Rusisë, Sergei Lavrov, se Moska do të ndërhyjë me ushtri nëse shqiptarët prishin interesat e saj në Maqedoni.   Ai ka akuzuar Shqipërinë dhe Bullgarinë se po punojnë në prapaskenë për ndarjen mes tyre të Maqedonisë, duke shtuar se kjo deklaratë ishte një mesazh edhe për SHBA.

Në këtë kuadër, senatori amerikan ka pohuar se Putin përbën rrezik edhe për Ballkanin. ?Nëse nuk dërgojmë një mesazh të qartë në lidhje me veprimet në Ukrainë se Rusia do të paguajë një çmim të rëndë për agresionin e saj, kjo prirje nuk do të ndalet. Vladimir Putin e ka bërë shumë të qartë: Ai mendon se tragjedia më e madhe që i ka ndodhur Rusisë gjatë 100 vjetëve të fundit ishte shpërbërja e Bashkimit Sovjetik. Ai do të rikrijojë një version të ish-Bashkimit Sovjetik apo të perandorisë ruse. Sot Vladimir Putin është përqendruar tek Ukraina, por ai mund të vazhdojë edhe më tej, në vende si Moldavia, Gjeorgjia, apo edhe në Baltik dhe në Ballkan, nëse nuk e paguan për ato që po bën sot?, u shpreh senatori amerikan. Ai paralajmëron se SHBA nuk duhet ta lënë në harresë Ballkanin.

?Shtetet e Bashkuara duhet të tregohen aktivë dhe të pranishëm në zhvillimet në Ballkan. Ne e konsiderojmë si të mirëqenë se Ballkani është një rajon në paqe sot. Tensionet që u shpalosën në luftërat rajonale mbi dhjetë vjet më parë vazhdojnë të ziejnë, prandaj Shtetet e Bashkuara duhet të luajnë një rol më aktiv në atë rajon se ç?po luajnë aktualisht. Për këtë arsye shkova në Ballkan në vjeshtë të vitit të kaluar dhe shpresoj se kolegët e mi do të bëjnë të njëjtën gjë?, apeloi Murphy.

Apeli ndaj Shkupit

Senatori amerikan gjithashtu u bën thirrje autoriteteve të Shkupit, të përmbushin detyrimet ndaj qytetarëve të tyre. Senatori Murphy thekson se SHBA dhe në përgjithësi bashkësia ndërkombëtare duhet t?i përgjigjen me vendosmëri agresionit rus. Murphy i ndjek me vëmendje edhe zhvillimet në Ballkan. Ai zhvilloi në tetor një turne pune në Kosovë, Shqipëri, Serbi dhe Maqedoni për të diskutuar nevojën për forcimin e marrëdhënieve ekonomike dhe politike të Shteteve të Bashkuara me Ballkanin. Ai u ndal edhe te zhvillimet e fundit në Maqedoni dhe u bën thirrje autoriteteve të Shkupit të përmbushin detyrimet e një qeverie demokratike ndaj qytetarëve.

?Unë e kam ngritur me të madhe gjatë vitit të fundit shqetësimin për hapat prapa që kemi vërejtur në Maqedoni lidhur me respektimin e shtetit ligjor, të drejtat e njeriut, apo lirinë e shtypit. Incidentet e javëve të fundit janë shumë shqetësuese. Qeveria e Maqedonisë duhet të angazhohet plotësisht për të respektuar të drejtat e shtetasve të saj, për të riparuar dëmin që kanë shkaktuar të gjitha këto që kemi dëgjuar kohët e fundit për aktet e autoriteteve?, u shpreh ai./sot





Lajmet e fundit nga