E fundit!

11:49 Kronika

E dënuar për dhunë në familje/ 34-vjeçarja dërgohet në burg bashkë me foshnjen 7 muajshe

Policia ka arrestuar një 34-vjeçare në aeroportin e Rinasi...

Gjergji Mero kandidati i PD ne Korce akuza Edi Rames

16 Maj 2015, 20:50, Politikë CNA

Reagim ndaj manipulimeve diskriminuese të Edi Ramës

Të dashur qytetarët e mi nga Korça, Devolli, e çdo fshat i Bashkisë së re që unë do të drejtoj pas 21 Qershorit me besimin dhe vlerësimin tuaj.
Kur mora përgjegjësinë dhe angazhim e madh historik për t’ju përfaqësuar në këto zgjedhje që janë për qytetarët e Korçës, banorët e cdo fshati dhe komuniteti, u përballa me një të vërtetë tronditëse: ” Ju keni 8 vjet që kërkoni pa u epur NJERIUN tek bashkia, tek institucioni që duhet të ishte shtëpia e qytetit, por për ju nuk u hap asnjëherë dera dhe zemra e pushtetarëve. Në çdo takim, në lagje, rrugica e fshatra, ju them hapur dhe i bindur se, zemra dhe mendja ime dëgjon, pyet dhe përgjigjet vetëm për hallet tuaja, dhe jo për votat tuaja. Unë nuk ju kërkoj votën, ju kërkoj besimin dhe mbështetjen ti kthejmë Korçës dinjitetin dhe krenarinë e gjunjëzuar nga mjerimi dhe kriza.
Unë jam profesori që vij nga Agronomia, sektori- motor i zhvillimit aq të kërkuar e të munguar ekonomik për Korçën dhe mbarë vendin; Rektori që i kam hapur dyert e Universitetit dhe të shtëpisë sime, çdo studenti, çdo të riu, çdo kolegu agronom ose jo, nga Devolli, Maliqi, Korça, Kukësi, Vlora Shkodra dhe Tirana. Sepse dija, intelektuali sikurse dhe artisti janë tolerantë dhe pa komplekse inferioriteti, identitetesh gjeografike e profesionesh.
Sot ndiej vetëm shpërfillje ndaj trillimeve dhe gjuhës fyese për qytetarinë tonë, që përcolli para Mësonjëtores, kryerilindasi lejla bashkë me shpurën e bashkisë. U përmend dhe një manipulim i rëndomtë: “mbyllja e Fakultetit te Agronomise. Ka vetëm dy ideatorë dhe realizues, kryeministri dhe ministria e anti-Arsimit.
Dhjetra studentëve iu pre ëndrra në mes me mbylljen e kesaj dege të nevojshme dhe me perspektivë, sikurse me mijëra te rinj po braktisin Korçën drejt azilkërkimit per ti shpëtuar skamjes dhe për të ngritur shpresën. Të rinjtë dhe të gjithë korçarët janë motivi dhe energjia drejt fitores; ata kanë zgjedhur vetëm një drejtim: ” Për punë dhe dinjitet”