E fundit!

21:55 Aktualitet

“Rama jep dorëheqjen”/ Kryeministri: Ky kor më ekzalton

Slogani "Rama jep dorëheqjen" para Kryeministrisë duket se...

Rëndësia e lëvizjes

8 Maj 2015, 08:00, Lifestyle CNA

Me siguri që secili nga ne i kemi ditët kur niveli i motivimit është shumë i ulët dhe përtojmë të ngritemi nga krevati. Shkaqet mund të jenë nga më të ndryshmet. Ndoshta nuk e kemi përmbushur kuotën e gjumit, ndoshta kemi mbetur në zyre deri në orët e vona, apo ndoshta kemi qenë të zënë për shkaqe familjare.

?Bën ftohtë jashtë prandaj sot nuk do të shkojë në palestër?. ?Bie shi prandaj sot do të mbërthehem nën batanije dhe do të shikoj ndonjë film, palestrën po e lë për nesër?. Njëri mund të gjejë shumë e shumë arsye që të mos merret me aktivitet fizik. Mbase edhe energjija fizike e psikike na është zbrazur.

Po çfarë ndodh nëse këto ditë mos-aktiviteti fizik fillojnë të bëhen javë, e javët të bëhen muaj, vite?? Çfarë nëse kalojmë të gjithë jetën ulur në divan (karrike të zyrës, veturë etj)? Nëse këto aktivitet kronike pak a shumë përshkrujanë gjendjen momentale tuajën, ju lutemi konsideroni këtë artikull me vëmendje të shtuar.

Kurrë nuk ka qenë më lehtë për të mos lëvizur. Kurrë nuk ka pasur më shumë aktivitet dhe profesione të cilat përfshijnë shumë pak, apo fare lëvizje (aktivitete ulur), dhe të cilat ta marrin shumicën e kohës pergjatë ditës.

Por ju e dini që një ekzistencë e tillë vetëm se po ja u shterrë energjinë, vitalitetin e jetëgjatësinë. Jeni shumë të vetëdijshëm që një gjë të tillë duhet ta ndryshoni, mirëpo si të ndryshoni me një nivel jo-adekuat të energjise dhe motivimit? Na lejoni që t?ju japim disa sugjerime modeste për ju që dëshironi të ndryshoni.

Fillo ngadalë

Shumica e njerëzve ndjejnë nevojën që të shohin rezultate dhe kënaqsi të menjëhershme nga aktiviteti fizik, dhe duke mos i parë këto rezulatet e përfitime të menjëhershme arrijnë te përfundimi se kjo nuk po funksonon, apo se kjo është shumë e vështirë. Nga një gjë e tillë ata demoralizohen dhe kështu braktisin përgjithmonë palestrën.

Aktivetin fizik duhet ta filloni ngadalë e me hapa të sigurtë, kështu që ju përveç që e mbroni vetën nga ndonjë lëndim eventual, ju gjithashtu gradualisht filloni ta ndërtoni bazamentin tuaj fizik. Njësoj sikurse kur të ndërtoni një shtëpi, fillimisht vëhet një temel i sigurt. Fillo ngadalë.

Vendosni qëllimet e juaja

Qëllimet afat-shkurta dhe afat-gjata janë të dyja të shëndosha, mirëpo sigurohuni që ato të jenë të qarta, realistike dhe të arritshme. Mundohuni të koncentroheni më shumë në qëllime afat-shkurta sepse ato janë çfarë do t?ua mbajnë lart nivelin e motivimit. Qëllimet afat-shkurta gjithashtu janë më lehtë për tu matur.

Po çfarë janë këto qëllime afat-shkurta? Këto mund të jenë ndoshta nga më të thjeshtat, p.sh. të ndiheni më energjik, të jeni më në disponim, apo që të bëni gjumë më të mirë.

Shumë njerëz koncentrohen në qëllime sikurse ai i humbjes së peshës, qëllim ky i cili mund të ju lë pas. Mbase humbja e peshës mund të jetë qëllimi juaj përfundimtar, mirëpo nëse fokusoheni në shpërblime më të menjëhershme nga shkuarja në palestër, ndoshta do të mundeni t?ju shmangeni fiksimit të zvogëlimit të numrit të kilogramëve.

Krijo një listë të objektivave që dëshiron t?i arrish

Kur t?i qaseni krijimit të listës së objktivave që ju dëshironi t?i arrini, bëhuni modest. E kemi fjalën për modesti të vërtetë të cilën njerëzit e sukseshem posedojnë.

Kështu që kur të filloni ta shkruani listën e objektivave që dëshironi t?i arrini, bazohuni në rregullën e artë: së pari gjërat më me rëndësi (thelbësoret). Cakto së pari 2 apo 3 objektiva (objektiva të tilla mund të përfshijnë të jeshë në gjendje ti bësh 30 pompa/skleka, të mund t?i bëshë 10 ngritje me peshën e trupit tuaj, apo të jeni në gjendje të balansoheni në duar për 30 sekonda).

Mundohuni të mos keni shumë objektiva në të njejtën kohë sepse koha e suksesit dhe realizimit të këtyre objektivave do të zgjetet dhe ju nuk do të jeni shumë efikas.

Revidoje definicionin tuaj të aktivitetit fizik

Është shqetësues fakti që shumica e njerëzve e definojnë aktivitetin fizik vetëm si ngritje peshash në palestër. Krijoni një listë të aktiviteteve argëtuese për ju (futboll, basketboll, tenis, alpinizëm, gjimnastikë, joga, çiklizëm, kickbox etj). E rëndësishme është që ju ta lëvizni trupin tuaj, dhe këtë do ta bëni më së miri po që se është edhe argëtuese dhe me pasion për ju. Prandaj lëviz?

Përshtatju logjistikës tënde

Nëse ju pritoni të ngriteni nga krevati për të shkuar në palestër, a do të thotë kjo që ju pritoni të ngriteni nga krevati në përgjithësi apo vetëm pas orës 8 në mbrëmje pas një dite të lodhshme pune? Sinqerisht, edhe ndoshta do e kishit me të drejtë po që se do të pritonit aq vonë të shkoni në palestër. Mirëpo, nëse kjo kohë nuk ju përshtatet apo nuk ju konvenon, atëherë mbase ju duhet të zgjoheni në orët e hershme të mëngjesit per të shkuar në palestër. Ndoshta një mundësi tjetër e sukseshme do të mund të ishte menjëherë pas përfundimit të orarit të punës? Apo ndoshta palestrën e keni larg shtëpisë dhe kjo ju merr shumë kohë? Atëherë dilni jasht në park dhe lëvizni. Mesazhi është ky: përshtatju logjistikës dhe ju do të keni sukses me ushtrimet tuaja fizike.

Shiko video të demonstrimeve të fitnesit herë pas here

Ne Youtube gjinden qindra e mija video të demonstrimeve të ushtrimeve nga më të ndryshmet. Përveç inspirimit të pamohueshëm që ju do të përfitoni, ju gjithashtu do të mund të mësoni shumë mënyra të ushtrimeve fizike. Ndani 15 apo 20 minuta nga agjenda juaj ditore që të shikoni video të tilla.

E rëndësishme është që të lëvizni, sepse ju mundeni dhe e keni mundësinë. Siç thotë fjalia e urtë: Nëse nuk lëvizni, e humbisni (humbisni lëvizshmërinë e trupit, forcën e muskujve, fleksibilitetin etj).