web counter
LEXO PA REKLAMA!

SHKARKO APP

App Store
Google Play

Beqiraj: Në dogana ka probleme, jo çdo gjë lulëzon

29 Prill 2015, 16:09, Aktualitet CNA

Zv/Ministrja e financave, Irena Beqiraj, ka bërë një bilanc të situatës ekonomike-financiare në vend. Sipas saj, është ulur importi i energjisë elektrike, çka i lehtëson shpenzimet e arkës së shtetit. Nga ana tjetër, në kuadër të luftës ndaj korrupsionit apo kontrabandës, ajo bëri të ditur se 8 doganierë janë dërguar në Prokurori. Funksionarja e lartë e financave pranoi se jo çdo gjë lulëzon dhe se në dogana ka probleme.

Duke folur për tregtinë, zv/ministrja tha se ka 32 ton më pak import të duhanit, por kjo shpjegohet, sipas saj, me rritjen e konsumit të duhanit vendas. Ajo tha se po mbahen nën mbikëqyrje prodhuesit e akcizës. Lidhur me situatën e borxheve, Beqiraj tha se ekzistojnë disa borxhe për shkak të proceseve gjyqësore dhe disa biznese kanë fituar proceset në gjykatë.

“Tabela e produkteve të akcizës, tregon se ka rritje të prodhimit vendas krahasimisht me importin. TVSH në dogana ka shënuar ulje krahasuar me 0 2014, dhe kjo ka ardhur si rezultat i konsumit të karburantit. Nuk kemi më të gjithë karburantin e importuar, por kemi prodhim vendas. Importi i energjisë në tremujorin e parë të 2015 është ulur me 229 mijë megavat në orë. Kur fillon prodhimi vendas mbledhja e TVSH është më e vështirë sesa kur produkti vjen nga importi. Kemi ulje të TVSH edhe për makineritë, dhe për materialet e ndërtimit. Renta minerare është elementi që ka më shumë ulje në dogana. Ka ulje në disa të dhëna në dogana, dhe kjo ka ndodhur pasi ka patur ndryshime në raportim import¬-prodhim vendas. Ne nuk themi që çdo gjë në dogana lulëzon, gjithmonë ka vend për përmirësime?, tha Beqiraj.

Më tej, zëvendësministrja e Financave, Irena Beqiraj, tha se po thellohet reforma në burime njerëzore, si dhe lufta ndaj korrupsionit në dogana. ?Deri më tani janë dërguar 8 doganierë në prokurori?, tha Beqiraj.





Lajmet e fundit nga