web counter
LEXO PA REKLAMA!

SHKARKO APP

App Store
Google Play

Prezantohen krerët e Policisë së Fierit dhe Elbasanit

28 Prill 2015, 18:55, Aktualitet CNA

Drejtori i Policisë se Shtetit, Haki Çako, i shoqëruar nga Drejtori i Përgjithshëm për Rendin dhe Sigurinë, Altin Qato ka vijuar me prezantimin e Drejtorit të Policisë së qarkut Fier z. Neritan Nallbati dhe Drejtorit të Policisë Elbasan, Alfred Çepe.

Drejtori i Policisë së Shtetit, Haki Çako ka vleresuar profesionalizmin, rezultatet dhe integritetin e ish drejtorit, Ervin Hodaj, i cili tashmë do të drejtojë Drejtorinë e Policisë Tiranë. Me pas Çako i ka uruar suksese z. Nallbati, dhe i ka kërkuar atij rritjen e masave për parandalimin e kultivimit të bimëve narkotike, për sezonin turistik e veror, rritjen e parametrave të rendit e sigurisë rrugore, kapjen e personave në kërkim, intensifikimin më tej të luftës kundër krimit të organizuar e korrupsionit.

Elbasan

Deri sot në krye të Drejtorisë së Policisë Elbasan ishte Neritan Nallbati, i cili tashmë do të drejtojë Policinë e Qarkut Fier.

Çako ka vleresuar performancën dhe rezultatet e arritura nga Policia e Qarkut Elbasan nën drejtimin e Z. Nallbati. Ndërsa Drejtori i porsaemeruar Alfred Çepe vjen në këtë detyrë pas rezultateve pozitive të arritura gjatë karrierës së tij. Drejtori i Policisë së Shtetit më tej ka ndarë disa nga prioritetet e vizionet e tij që ai ka për të përmbushur objektivat e përcaktuara në strategjinë e Policisë së Shtetit, si dhe për të arritur atë performancë që ka pritshmëri komuniteti.

 





Lajmet e fundit nga