E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Skandal/ Lindita Nikolla ndryshon në fshehtësi 50 nene të ligjit për arsimin e lartë, zhduk raportin profesor/doktorant në favor të Henri Çilit

18 Prill 2015, 06:49, Aktualitet CNA

Të tjera hije skandali bien mbi Ministrinë e Arsimit, pasi ministrja Lindita Nikolla ka ndryshuar në fshehtësi rreth 50 nene të ligjit për arsimin e lartë që ju prezantua pedagogëve. Ministrja, një tjetër variant u ka dërguar universiteteve dhe një tjetër variant ka paraqitur në Parlament. Nga një krahasim i bërë i të dy varianteve, ka rezultuar se më shumë se 50 nene kanë ndryshuar, ndërsa 3 të tjerë kanë rënë.

Pas kundërshtive nga stafet akademike, njerëzit e Lindita Nikollës kanë bërë të tjera ndërhyrje në draft përpara se ai të dërgohej në qeveri për miratim, duke e përkeqësuar atë akoma dhe më shumë. Ndryshime janë bërë në disa nene që kanë qenë shpesh objekt debati dhe që janë kundërshtuar nga universitetet. Në këtë mënyrë, ka ndryshuar neni për kërkimin shkencor, neni për procesin e akreditimit, neni për funksionimin e fakulteteve, neni për qendrat shëndetësore, për rektorin, për funksionimin e Bordit të Administrimit, për doktoraturat, për financimin dhe shumë nene të tjera. Pak ditë më parë, Senati i Universitetit të Tiranës zhvilloi një mbledhje urgjente mbi këtë çështje, pasi pedagogët kishin zbuluar se drafti që u ishte prezantuar atyre ishte ndryshuar dhe thanë se këto ndryshime e kanë dëmtuar akoma dhe më shumë.

Ndryshon neni për doktoraturat

Mes shumë neneve që ka ndryshuar stafi i ministres Lindita Nikolla është dhe neni 78, i cili ka të bëjë me studimet e ciklit të tretë. Gazeta ?Sot? ka denoncuar skandalin e MAS, e cila ka bllokuar doktoraturat për universitetet publike dhe ka dhënë kuota për UET e Henri Çilit, i cili nuk plotëson asnjë kriter, sidomos raportin pedagog/doktorant.

Për të justifikuar këtë gjë, MAS ka bërë ndryshime në këtë nen duke e hequr fare këtë raport. Tashmë Henri Çili mund të regjistrojë sa të mundet doktorantë, pavarësisht numrit të profesorëve. Nikolla thotë se drejtuesi shkencor udhëheq një numër të caktuar doktorantësh. Pra, një numër i caktuar, 10, 20, 200? Pra, bëhet fjalë për një skandal dhe marrëzi të pazakontë. Ky nen duket se është shkruan nga vetë dora e Henri Çilit.

Dy variantet

Drafti që ju prezantua pedagogëve përcaktonte numrin e doktorantëve që duhet të mbajë një pedagog, i cili ishte rritur krahasuar me ligjin aktual. ?Drejtuesit shkencorë të doktorantëve duhet të kenë titullin ?Profesor? ose ?Profesor i asociuar? dhe mund të udhëheqin, respektivisht, jo më shumë se gjashtë dhe jo më shumë se katër doktorantë në të njëjtën kohë.

Ky numër përfshin të gjitha udhëheqjet që personeli akademik i kategorisë ?Profesor? ndjek në institucionet e arsimit të lartë ku ai është i angazhuar?, thuhet në pikën 6 të nenit 78 në draftin e mëparshëm. Por në variantin përfundimtar MAS e ka hequr fare këtë raport. ?Drejtuesit shkencorë të doktorantëve duhet të kenë titullin ?Profesor? ose ?Profesor i asociuar? dhe mund të udhëheqin, respektivisht, një numër të caktuar doktorantësh në të njëjtën kohë.

Ky numër përfshin të gjitha udhëheqjet që personeli akademik i kategorisë ?Profesor? ndjek në të gjitha institucionet e arsimit të lartë ku ai është i angazhuar dhe përcaktohet në Kodin e Cilësisë në Arsimin e Lartë?, thuhet aty. Me këto ndryshime, tani Henri Çili mund të justifikojë batërdinë që ka bërë me doktoraturat, ku një pedagog udhëheq me dhjetëra doktorantë, ndërkohë që ligji aktual e ndalon këtë gjë. Me futjen e ligjit të ri në fuqi UET mund të marrë sa doktorantë të dojë, edhe pse numri i pedagogëve që kanë titujt ?Profesor? dhe Profesor i asociuar? është i vogël.