web counter
LEXO PA REKLAMA!

SHKARKO APP

App Store
Google Play

Video e sulmit me gaz klorin në Siri/Përlotet OKB

17 Prill 2015, 17:30, Aktualitet CNA

Anëtarët e Këshillit të Sigurimit të OKB-së janë përlotur ndërsa ishin duke parë një video që dëshmonte një sulm me gaz klorin në veriperëndim të Sirisë, muajin e kaluar.
Pamjet tregojnë përpjekjet e pasukesshme të mjekëve për të rikthyer në jetë tre fëmijë nën katër vjeç të prekur nga gazi.
Ambasadorja amerikane, Samantha Poëer e përshkroi takimin e Këshillit të Sigurimit si shumë emocional dhe tha se ata që janë ëprgjegjës për krime të tilla do të dalin përpara Drejtësisë.
Qeveria siriane e mohon se është përgjegjëse për sulmin në Idlib.
Mjekët sirianë, duke konfirmuar atë që aktivistët kanë raportuar pas sulmit më 16 mars, i thanë Këshillit të Sigurimit të OKB-së se helikopterët ishin dëgjuar të fluturonin sipër fshatit Sarmin.
Pati një zhurmë rënieje dhe u ngrit era e pangatërrueshme e klorit përpara se dhjetëra njerëz të mbërrinin me urgjencë në spitalin lokal me vështirësi në frymëmarrje.
Video tregon përpjekjet e dëshpërruara të mjekëve për të shpëtuar banorët, mes të cilëve edhe tre fëmijët një dy dhe tre vjec, prindërit e gjyshërit e tyre.
Një nga të pranishmit, mjek sirian, tha pas takimit, se disa nga anëtarët e Këshillit të Sigurimit po qanin. ?Qartë ata u prekën nga ajo që panë në video, nga ato që dëgjuan e shumë prej tyre folën duke lënë mënjanë gjuhën diplomatike?, tha ai. Ka një sugjerim se Organizata për Ndalimin e Armëve Kimike duhet të nisë një hetim të menjëhershëm dhe serioz për ngjarjen. Ushtria siriane nga ana tjetër e mohon akuzën, duke e cilësuar videon si propagandë.





Lajmet e fundit nga