web counter
LEXO PA REKLAMA!

SHKARKO APP

App Store
Google Play

E fundit!

x

Universitetet si PUSHTET më vete

13 Prill 2015, 11:19, Aktualitet CNA

Nga Artan Fuga

Problemi me projektligjin e arsimit te larte nuk eshte fare ne thelb dhe as kryesisht ne aspektin ekonomik.

Te jemi te qarte dhe te sqaruar per kete. Kete nuk po kupton politiko-burokracia e sektorit te arsimit.

Cdo qendrim tjeter do te ishte nje tradheti ndaj kauzes universitare si kauze emancipimi dhe demokratizimi.

Jo privati merr a nuk merr financime, jo eshte kaq apo aq fondi per universitetet, jane te dores te dyte, te varura nga parime themelore, problemet jane shume, shume, shume, me te medha sesa kaq.

Keto jane ceshtje krejt dytesore.

Mos i trajtoni ju studentet si lypsare qe gjoja kufizohen vetem me kerkesa per paret e xhepit e per te ngrene sufllaqe e bureke me spinaq pa spinaq.

Mos i trajtoni pedagoget sikur duan thjesht ca leke me shume.

Problemi ne rradhe te pare eshte POLITIK.

POLITIK.

Politika u mbivendoset me ane te disa gjoja agjencive, drejtorive burokratiko-militante sikurse e gjithe administrata ne keto 25 vjet, si nje censure gjigande institucionale dhe partiake shkences dhe arsimit.

Drejtori me emrin agjenci. Semantika e propagandes.

Ca nuk duan ta kuptojne kete sepse ndofta nuk ua ka fort qejfi ta kuptojne meqe e pelqejne pushtetin politik mbi shkencen.

Ideja se kur te vijme ne pushtet do ta abrogojme kete ligj, qe degjohet andej ketej rrotull, eshte nje farse dhe e parimit ‘prit gomar te mbij bar’.

Cfare te presim? Ate per te cilen duhet kontribuar sot, ketu, menjehere???

Le te vazhdojne te shkaterrohen edhe ca vite jete studentesh, shkaterrimi na jep vota.

Universitetet bien ne doren e burokracise poltiko-partiake duke ja marre cdo pushtet shkencor dhe arsimor Profesoratit. Drejtohen si kazerma burokratike.

Profesoret do te trajtohen me keq sesa tani, si ca leshko te cmendur, gjysem hajdute gjysem delirante… Ky eshte imazhi qe na percjell dikasteri i arsimit kur po te kesh mendim te kundert me te shpallesh se te ka marre koka ere…

Te permendin koken…

Por, kur nuk ke koke fare si i behet hallit…

Edhe na ftojne te debatojme “lirisht” edhe ndotin hapesiren e te folurit me sharje edhe ofendime.

Pergjegjesine per kete, sipas meje, e ka vete zonja ministre e arsimit qe lejon njerin nga zevendesit e saj, nje nepunes te dores te dyte pra, te shkele etiken e te folurit publik dhe leshuar nga goja pa fre cfare i vjen atje…,duke qendruar pa folur sikur asgje nuk ka ndodhur.

Disa nuk duan ta kuptojne kete, pra qe shteti nuk fyen.

Studentet nuk kane asnje te drejte thelbesore sepse disa te drejtat studentore i kuptojne si ne politike, hajde hidh kete fletet e votimit ne kuti dhe ik mbushu tani, fshij buzet.

E drejta e studenteve eshte qe te vendosen ata vete ne qender te kurrikules.

Nje program i tere politik. POLITIK.

Problemi eshte POLITIK sepse shkelen parimet kushtetuese per barazi qytetare ne se paku dhjete pika shume te rendesishme qe ka politikane qe nuk po i shohin dot. Si duket nuk duan t’i shohin.

Problemi eshte POLITIK sepse arsimi i larte duke i detyruar studentet te rrine deri ne moshen 25 vjec ne bangat e shkolles, e duke u dhene diploma pa vlere, ul me genjeshtra statistikat e papunesise, dhe u merr jeten studenteve sepse ne ate moshe eshte e pamundur me te orientohesh ne tregun e punes ne menyre cilesore.

Arsimi po i merr jeten rinise. Kjo eshte drama e madhe.

Problemi eshte POLITIK sepse ligji duhet te realizoje koherencen midis arsimit dhe shoqerise dhe jo nga njera ane te jape diploma dhe nga ana tjeter te mbylle hapesirat sociale per vende pune te diplomuarish.

Ne duam nje shoqeri te kultures dhe jo nje shoqeri qebaptoresh mbushur me militante qe i perdorin pasi u kane hequr trurin.

Problemi eshte POLITIK sepse ne shoqeri nuk funksionin meritokracia. Studentet e shkelqyer moralisht dhe intelektualisht mbesin pa pune sepse sektori publik eshte mbushur per 25 vjet me vellain e babit, me gjyshin e vjehrrit, me mamin e nuses, me djalin e halles te cunit te dajes, te vellait te tezes.

Problemi eshte POLITIK sepse historia nuk eshte dyvjecare por 25 vjecare, 250 vjecare. Universitetet jane pushtet me vete. Keshtu kane lindur dhe keshtu ekzistojne ne boten e vertete demokratike.

Prandaj ka politikane qe qendrojne thjesht te kerkesat ekonomike te studenteve qe sigurisht edhe ato merren neper kembe.

Por, skllavi nuk eshte skllav se nuk ka se cfare te haje, por nuk ka se cfare te haje sepse eshte skllav pa te drejta politike brenda botes universitare dhe me tej.

Problemi eshte POLITIK sepse profesorati nuk ka as te siguruar te drejten e autoresise sepse fotokopja gelon, njesoj sikur te te thone : Te rrofshin librat se une t’i vjedh sy per sy. Nuk e kane fajin studentet qe ligji i shnderron ne hajdute te detyruar, por POLITIKA qe nuk ka nje Biblioteke te hajrit duke na zhytur ne erresire e detyruar studentet te heqin buken e gojes per te blere nje liber.

Problemi nuk eshte pse privati te subvencionohet nga buxheti publik, kjo edhe ndodh, problemi eshte POLITIK, pra qe privati na beka edhe rregullat per arsimin publik, skandali POLITIK eshte qe privatin e kane lene pa asnje rregull, si qen i zgjidhur nga zinxhiret, duke demtuar privatet e ndershem, qe pa perkrahje politike sulmohen dhe poshterohen, dhe te tjeret kercenohen per te mbyllur gojen.

Privati sipas kesaj ketij projektligji qe te habit me paradokset e veta edhe merr fonde nga buxheti publik edhe mund te investoje per fitimet e veta egoiste per te ndertuar metalurgjikun, ngritur spitale psikiatrike, hapur gazeta, care tunelin Tirane – Elbasan, organizuar festen e veres, me ballokume, organizuar dhe mbeshtetur fushata per mbrojtjen e homoseksualeve, etj.

Mos na genjeni e u genjeni me kerkesa ekonomike, problemi eshte POLITIK :

DO TE KEMI NJE UNIVERSITET QE EMANCIPON SHOQERINE, APO DO TE KEMI DIPLOMA UNIVERSITARE QE NUK JANE VECSE LETRA PA VLERE NDERKOHE QE PO I SHKATERROJNE JETEN RINISE QE E TRAJTOJNE SI DEBILE.





Lajmet e fundit nga