web counter
LEXO PA REKLAMA!

SHKARKO APP

App Store
Google Play

E fundit!

x

Vjedhja në Tepelenë, policia jep detaje

31 Mars 2015, 17:36, Aktualitet CNA

Policia e Shetit ka shpallur në kërkim autorët e vjedhjes me armë të ndodhur sot në Tepelenë. Mësohet se janë shpallur në kërkim shtetasit me iniciale A.J 37 vjeç, S.J 30 vjeç, të dy banues në Durrës si dhe shtetasi R.R 31 vjeç, banues në Tiranë. Salla operative e Policisë në Tepelenë  mori njoftimin se një grabitje me armë kishte ndodhur në banesën e shtetasit Naim Çiça 61 vjeç, në lagjen ?Demokracia? rreth orës 00:40. Bëhet me dije se autorët kanë braktisur automjetin tip ?Audi? me targa CD 367 PT, pak metra larg shtëpisë.

Këta shtetas, në bashkëpunim me njëri -tjetrin dyshohet se duke përdorur armët dhe dhunë fizike kanë arritur të vjedhin shumën e parave dhe më pas janë larguar në drejtim të paditur, ku në afërsi të banesës kanë braktisur automjetin pasi kanë parë patrullën që po vinte për në vendngjarje dhe janë larguar me vrap duke përfituar nga errësira. I dëmtuari dhe bashkëshortja e tij shtetasja A.Ç, 60 vjeç, banuese në Tepelenë, ndodhen në spitalin e Gjirokastrës me dëmtime trupore, jashtë rrezikut për jetën.

Në cilësinë e provës materiale janë sekuestruar, automjeti i markës Audi me targa CD 368 PT, një automatik model 56 me qytë të prerë, dy krehëra me 30 fishekë të kalibrit 7.62mm, një krehër pistoletë me 10 fishekë të kalibrit 9 mm, një gëzhojë e plasur e kalibrit 7.65mm, një telefon celular, dy karta sim, dokumenta identifikimi si dhe sende të tjera personale të autorëve, sende të gjetura brenda në automjet.





Lajmet e fundit nga