E fundit!

19:12 Politikë

Mbledhje surprizë me deputetët?/ Çfarë pritet të ndodhë më 30 korrik

E enjtja e 23 korrikut është parashikuar si dita kur do të...

Balla: Vetëm me dialog mund të përmbushen sfidat e integrimit europian

28 Mars 2015, 13:37, Politikë CNA

Deputeti socialist Taulant Balla ka marrë pjesë sot në Kongresin Tematik te Partise Bashkimi Demokratik per Integrim te Maqedonise kun ë fjalën e tij ka përcjellë mesazhin e kryeministrit Edi Rama. Ai deklaroi se mbledhja e dy Qeverive, të Kosovës dhe Shqipërisë, që mishëron rrugëtimin institucional të një populli me një ëndërr zemërbardhë prej së cilës kurrkush, bashkombas a fqinjë qofshin, nuk është i përjashtuar.

?Koha që jetojmë, me vrullin dhe shpejtësinë e komunikimit që e karakterizojnë, mund t?i duket shumëkujt e papërshtatshme për mbledhje kuvendesh të cilët shpalosen në hapësira që kërkojnë reflektim, dialog dhe shkëmbime me orë të tejzgjatura. Si për ata që janë të angazhuar në vorbullën e aksionit, si për të tjerë që kërkojnë kompromise konsensuale, një kongres është padyshim një sfidë ndaj intelektit dhe një sprovë për durimin dhe nevojën për tu ulur dhe kuvenduar së bashku. Cilatdoqofshin kritikat apo pritshmëritë ndaj këtij kongresi, nuk nguroj ta përshëndes, me shpresën se do të jetë një gur më shumë në ndërgjegjësimin e shqiptarëve të Maqedonisë, përtej elektoratit tuaj tradicional.

Mbledhja e dy Qeverive, të Kosovës dhe Shqipërisë, që mishëron rrugëtimin institucional të një populli me një ëndërr zemërbardhë prej së cilës kurrkush, bashkombas a fqinjë qofshin, nuk është i përjashtuar, u shpreh qartë se pa përfshirjen në proceset vendimmarrëse madhore të faktorit shtetformues shqiptar në Maqedoni, sfidat e integrimit europian dhe të mirëkuptimit mes Shteteve në Ballkan, nuk mund të japin frutet e shpresuara. Duke reflektuar dhe shkëmbyer mes jush mbi rolin historik që i bie barrë dhe që naltëson vokacionin stabilizues dhe emancipues të shqiptarëve të Maqedonisë, ju shfaqeni, në sytë e partnerëve ndërkombëtarë vullnetmirë dhe të kthjellët. Të prirur për të respektuar deri në vetmohim angazhimet e marra në marrëveshjen e Ohrit, Shqiptarët e Maqedonisë, të cilado partie qofshin, janë të ftuar të bëhen aktorë të debatit që ju çelni sot në këtë kongres. Dalshi faqebardhë?, përfundon fjalën e tij Balla.