web counter
LEXO PA REKLAMA!

SHKARKO APP

App Store
Google Play

Meta - Hahn: Opozitës i janë garantuar të drejtat dhe hapsirat

24 Mars 2015, 13:21, Politikë CNA

Kryetari i Kuvendit,  Ilir Meta ka pritur sot në një takim Komisionerin për Politikat e Fqinjësisë Europiane dhe Negociatat e Zgjerimit në BE,  Johannes Hahn.
Gjatë takimit,  Meta u shpreh se Shqipëria është e fokusuar në implementimin e pesë prioriteteve kyçe, si reforma në administratën publike, reforma në sistemin e drejtësisë, lufta kundër korrupsionit, lufta kundër krimit të organizuar dhe të drejtat e njeriut, përfshirë edhe të drejtën e pronës.
?Sa i takon reformës në drejtësi, unë mund t?iu informoj se kemi ngritur një komision të posaçëm, që ka përfunduar tashmë fazën e parë të përgatitjes së dokumenteve analitike dhe do të dalë shumë shpejt me një konkluzion konkret?, tha  Meta.
Gjithashtu, Meta njohu Hahn edhe me angazhimin e mazhorancës për të pasur një bashkëpunim sa më konstruktiv me opozitën, si në rastin e Këshillit Kombëtar të Integrimit, që do të drejtohet nga opozita.
?Opozitës i janë garantuar të gjitha të drejtat dhe hapësirat në Parlament dhe i është dhënë e drejta për të folur më shumë se sa mazhoranca në seancën plenare?, shtoi Meta.
Nga ana e tij, komisioneri  Hahn vlerësoi arritjet e Shqipërisë dhe theksoi se konsensusi është i rëndësishëm, por palët politike kanë legjitimitetin e duhur për të pasur qëndrime të ndryshme mbi çështje të caktuara.

Në përfundim,  Meta tha se një plan veprimi është miratuar nga Konferenca e Kryetarëve, që adreson rekomandimet e raport-progresit të Bashkimit Evropian për vitin 2014.





Lajmet e fundit nga