web counter
LEXO PA REKLAMA!

SHKARKO APP

App Store
Google Play

E fundit!

x

Akciza, njëra anë e “gropës” fiskale

20 Mars 2015, 15:30, Aktualitet CNA

Ndonëse pati një rritje të ndjeshme të taksave, sidomos ajo e akcizës, të ardhurat nga kjo taksë nuk po realizohen sipas parashikimeve.  Gjatë muajit të parë të këtij viti të ardhurat nga akciza janë në vlerën e 1.8 miliardë lekëve, që sipas sqarimeve nga Ministria e Financave, janë rritur në masën 10.1% për qind krahasuar me të njëjtën periudhë të vitit 2014, por zyrtarisht nuk deklarohet se sa ka qenë plani i këtij muaji.
Gjithashtu po t?ju referohemi statistikave, të ardhurat në buxhetin e shtetit gjatë vitit të kaluar nuk ishin ato të pritshmet, ku rezulton se të ardhurat nga taksa e akcizës janë në vlerën e 40.8 miliardë lekë nga 44.5 miliardë lekë që ishte planifikuar në fillim të vitit.
Nga kjo mund të nxjerrim përfundimin se këtu kemi rënie të konsumit të këtyre mallrave, çka do të thotë se efekti i paketës së re fiskale ku kjo taksë u rrit, nuk ka dhënë efektin e pritshëm në buxhetin e shtetit, duke patur parasysh se kjo taksë, për cigaren u rrit dy herë gjatë vitit të kaluar.
Edhe pse viti që sapo lamë pas pati një sërë zhvillimesh ekonomike, duket se financat publike kanë qënë nën përformancën e planifikuar. Kështu referuar të dhënave paraprake të publikuara nga Ministria e Financave, rezulton se të ardhurat për vitin 2014 janë realizuar në vlerën e 366.6 mld lekë, ose 1.2 miliardë lekë më pak se planifikimi.





Lajmet e fundit nga