Si ta kuptoni se ajo s’është e interesuar për ju?

10 Mars 2015, 19:00, Lifestyle CNA

Ke takuar një super femër e cila të pëlqen shumë, por nuk je i sigurt se a të sheh ajo si të dashurin potencial apo vetëm si mik. Ja si mund ta kuptoni se çka po i sillet asaj nëpër kokë.

– Gjithmonë je ti ai që inicion bisedën: Nga ana e saj shumë rrallë vijnë propozimet për shoqërim, ndërsa të duket se nuk është edhe aq e kujdesshme dhe e interesuar të përgjigjet në e-mail, SMS apo aktivitetet në ?Facebook?, së paku kur jeni ju në pyetje. Mund të themi, fatkeqësisht, që kjo është një shenjë e qartë se nuk është shumë e interesuar në ty.

Nëse dikush nuk të përgjigjet në thirrje dhe porosi në momentin e njëjtë kur i pranon, kjo nuk do të thotë asgjë! Por nëse kalojnë ditë apo javë, dhe asnjë përgjigje nuk arrin, atëherë është më se e qartë se ky person ?nuk lodhet? fort për ty, shkruan Zëri.

Ndonëse është e vështirë ta bindni veten, me këtë femër shihet qartë se nuk ju shkon dhe kërkoni dikë tjetër që e meriton mundin dhe vëmendjen tuaj.

– Gjithmonë përpiqet që mos të dukeni si çift: Nëse nuk është e interesuar për ty, atëherë do të sigurohet që askush mos ta fitojë përshtypjen se jeni çift. Do të kujdeset që askush mos t?ju sheh duke qëndruar vetëm në kinema, kafene apo klub, dhe kur ta pranoj thirrjen për takim, atëherë do të jetë e pranishme me shumë shokë e shoqe, vetëm që mos të dukeni si të dashuruar.

– Kur të dilni, gjithmonë e thirr edhe dikë: Kudo që gjendet me ty, aty është edhe njëra nga shoqet e saja. Këtë gjë e bënë për dy arsye, ose, fatkeqësisht, nuk i pëlqen dhe përpiqet të sigurohet që mos të tentoni të ndërmerrni më ndonjë hap për të filluar lidhje, ose ende nuk është e sigurt për lidhjen dhe kështu mundohet të çlirohet nga nervoza që sjell biseda ndërmjet dy personave.

– Flet me ty për djemtë që i pëlqejnë: Hm, mendojmë që sjellja e këtillë është shumë e qartë, apo jo? Por as djemtë nuk mbesin prapa femrave kur është në pyetje vetëmashtrimi. As ata shpesh nuk besojnë në diçka derisa dikush nuk ju thotë që atë që e shohin është e vërtetë. Të flet për ish-të dashurit, komenton për djemtë që i pëlqejnë, dhe shkurt, dëgjon të gjitha ato që zakonisht i dëgjojnë miket e saja, dhe kjo është shenjë e qartë se nuk të përjeton si princin nga ëndrrat e saja.

– Nuk ka ?prekje të rastësishme?: Kjo është sepse dëshiron të të mbajë në distancë. Nëse largohet gjatë përpjekjeve tuaja ta prekni, kjo është shenjë shumë e sigurt se në mes jush nuk do të ketë asgjë më shumë se sa miqësi.

– Shpesh kërkon disa shërbime: Kjo është edhe njëra nga shenjat se ajo nuk të sheh si të dashur potencial. Miqtë janë ata nga të cilët huazoni DVD, kërkohet ndihmë kur të zhvendoseni dhe të ngjashme. Kur është në pyetje tentimi për fillimin e një lidhje atëherë personat e caktuar punojnë në arritjen e qëllimit, pra bashkimin e tyre dhe ata nuk kanë kohë dhe nuk merren me kërkesat për kryerjen e shërbimeve të caktuara.