E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Punësimet në administratë/ DAP: Ja cilat janë rregullat e reja

9 Mars 2015, 17:34, Aktualitet CNA

Ndërsa janë shpallur zyrtarisht 760 vende vakante në institucione të ndryshme shtetërore, Departamenti i Administratës Publike ka bërë me dije se ka ndryshuar mënyrën e aplikimit online për konkurrimin në këto poste.
Përmes një njoftimi të shpërndarë përmes postës elektronike, DAP ka shpjeguar si do bëhen aplikimet për këto poste dhe dokumentet që duhet të plotësojnë të inetersuarit. ?Departamenti i Administratës Publike (DAP) bazuar në eksperiencën e aplikimeve gjatë periudhës Gusht – Tetor 2014 ka ndërtuar një forme të re me qëllim përmirësimin e sistemit të aplikimit online për vendet vakante që shpallen në administratën shtetërore, pjese e shërbimit civil? thekson në njoftim Departamenti i Administratës Publike.

Aplikacioni
Sistemi i ri synon lehtësimin e mënyrës së aplikimit online, duke ofruar mundësi me te mëdha për plotësimin e rregullt te dokumentacionit te kërkuar, për të marrë pjesë në konkurset që do zhvillohen në grup. Aplikacioni për regjistrimin në portalin e vendeve vakante është aktiv në faqen zyrtare në linkun përkatës: dhe brenda muajit Mars do të fillojnë të bëhen publike shpalljet e vendeve vakante të planifikuara për vitin 2015, ne shërbimin civil. ?Ju inkurajojmë të shprehni interesin tuaj fillimisht duke plotësuar formën dhe kryer regjistrimin me sukses. Me tej ju do të njoftoheni përsëri sapo të publikohen njoftimet për vendet vakante. Duke ju uruar suksese. Departamenti i Administratës Publike? thekson në njoftim DAP.
Aplikimi
DAP shpjegon në faqen e vet hap pas hapi mënyrën si do bëhet regjistrimi i në portalin e aplikimit dhe aktivizimi i llogarisë peronale. ?Aktualisht është aktiv vetëm regjistrimi, aplikimet fillojnë së shpejti. Lutemi të regjistroheni duke vendosur më poshtë informacionin e kërkuar. Pasi të regjistroheni me suksess, në postën Tuaj elektronike do të gjeni një email, ku gjendet një lidhje, të cilën duhet ta klikoni, në mënyrë që llogaria Juaj në portal të aktivizohet? përcakton DAP në Portalin e Aplikimit.

Aplikimi dhe dorëzimi i të gjitha dokumenteve për procedurën e pranimit në shërbimin civil (nga jashtë sistemit të SHC), do të bëhen vetëm ONLINE, në faqen zyrtare të Departamentit të Administratës Publike, duke u regjistruar (aktivizuar llogarinë dhe, duke plotësuar me kujdes informacionin në të gjitha fushat e aplikimit online. ?Aplikimi juaj përfundon pasi të keni klikuar mbi butonin “Apliko tani” mbi shpallje të listuar në ‘VENDE VAKANTE’? thekson DAP.
Vendet vakante
Vetëm pak ditë më parë, Këshilli i Ministrave ka zbardhur 65 institucionet publike dhe llojet e diplomave për 760 vendet e lira të shpallura në administratën publike që do plotësohen në vitin 2015. Numri i vendeve vakante, të planifikuara për rekrutim gjatë vitit 2015, është, gjithsej, 760, ndarë sipas kategorive të mëposhtme: Për trupën e nëpunësve civilë të nivelit të lartë drejtues (TND) 30; Për kategorinë e mesme drejtuese 40; Për kategorinë e ulët drejtuese 180; Për kategorinë ekzekutive 510. Institucionet ku gjenden këto vende vakante nisin që nga Kryeministria, në disa prej ministrive, nëpër agjencitë e ndryshme shtetërore e deri te forcat e ruajtjes së rendit.