E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Komisioni Europian: Azilkërkuesit në rritje

26 Shkurt 2015, 20:35, Sociale CNA

Komisioni Europian ka publikuar raportin e pestë të funksionimit të skemës së liberalizimit të vizave për vendet e ballkanit perëndimor, Shqipërinë, Bosnje Herecegovinën, Maqedoninë, Malin e Zi dhe Serbinë.
Komisioni vazhdon të mbetet i angazhuar për të mbajtur liberalizimin e vizave por rekomandon se janë të nevojshme disa masa të reja në mënyrë që të shmangen abuzimet dhe të ruhet integriteti i kësaj skeme. Raporti citon gjithashtu se përfitimet nga kjo skemë kanë qënë të dukshme, sidomos në nxitjen e shanseve për të bërë biznes dhe në kontaktin mes njerëzve.
Gjithsesi, Komisioni Europian rekomandon se problemi i azilkërkuesve nga vendet e ballkanit perëndimorë duhet të vazhdojë të adresohet në mënyrë sistematike. Abuzimi me kërkesën e azilit theksohet të jetë shqetësimi kryesor në skemën e liberalizimit të vizave. Numri i azilkërkuesve nga 5 vendet e ballkanit perëndimorë të cilat përfitojnë nga liberalizimi i vizave është rritur në mënyrë të ndjeshme që prej aplikimit të kësaj skeme, duke kulmuar në vitin 2013 me 53705 aplikime. Alarmante paraqitet situata për vitin 2014, ku numri i aplikimeve për azil është rritur me 40% gjatë 9 mujorit të parë të vitit të shkuar, në krahasim me të njëjtën periudhë gjatë vitit 2013.
Nga ana tjetër, norma e pranimit të aplikimeve për azil ndër vendet e Shengenit është regjistruar në rënie të theksuar. Gjithsesi, Shqipëria mban edhe numrin më të lartë të aplikimeve të pranua ndër 5 vendet e Ballkanit, me 8.1%. Për sa i përket prejardhjes së azilkërkuesve vendi ynë ruan pozita jo fort të favorshme, ku 21% e zilkërkuesve janë pikërisht shqiptarë. Në këtë drejtim Serbia mban vendin e parë, duke zënë 42% të tortës së madhe të aplikimeve për azil.
Gjermania vazhdon të mbetet pritësja më e madhe e azilkërkuesve nga vendet e ballkanit të cilat përfitojnë nga liberalizimi i vizave, duke regjistruar një trajektore të frikshme. Në vitin 2009, vetëm 12% e azilkërkuesve i drejtoheshin Gjermanisë, ndërsa në 9 muajt e parë të vitit të shkuar, kjo normë është ngjitur në 75%. Pra tre nga katër azilkërkues i drejtohen pikërisht Gjermanisë. Nga ana tjetër Komisioni Europian rekomandon se këto vende duhet të marrin masa për të rregulluar migrimin jo të rregullt, sidomos në drejtim të përkrahjes ndaj minoriteteve, dhe në veçanti ndaj komunitetit rom.
Ky komision rekomandon gjithashtu një bashkëpunim më të gjerë në menaxhimin e pikave kufitare, si dhe një forcim të kontrollit në to. Komisioni thekson gjithashtu faktin se gjatë muajve të fundit ka patur një rritje jo të zakontë të migrimit të paligjshëm të qytetarëve kosovarë nëpërmjet kufijve të Serbisë. Aktualisht po zhvillohen negociata mes komisionit dhe qeverisë së Kosovës për të mundësuar liberalizimin e vizave.