web counter
LEXO PA REKLAMA!

SHKARKO APP

App Store
Google Play

E fundit!

x

CNN: OPEC i trembur nga çmimi i naftës, sauditët jo

24 Shkurt 2015, 12:43, Ekonomi CNA

Organizata e vendeve prodhuese të naftës, OPEC nuk ka planifikuar ndonjë prej takimeve të veta të rregullta deri në qershor. Hera e fundit që OPEC u mblodh ishte në ditën e Falënderimeve, ku u njoftua se organizata që drejtohet nga Arabia Saudite, nuk do të ndërpriste prodhimin për të balancuar rritjen e rezervave nga fushat amerikane.

Që prej asaj kohe, thotë CNN, çmimi naftës ka rënë me 30 për qind dhe ka dëmtuar disa vende prodhuese më shumë se të tjerat.

Në teori, një takim urgjent i OPEC do të hapte rrugën për një shkurtim të prodhimit dhe për rritjen e çmimit. Në të vërtetë, një mundësi e tillë nuk ka gjasa.
Madje, edhe nëse grupi mblidhet, nuk ka gjasa për ndryshim të strategjisë.

Nigeria, prodhuesi më i madh i naftës në Afrikë, ka nevojë për një çmim afërsisht 120 dollarë për fuçi që të balancojë buxhetin e vet, sipas
Deutsche Bank.
Por, vitin e kaluar, ministri naftës së Arabisë Saudite tha se nuk do të ndërpresë prodhimin edhe sikur çmimi të shkojë 20 dollarë për fuçi.

Duket, thotë CNN, se sauditët kanë një pikëpamje më të gjerë. Vendimi i tyre për nxjerrjen e naftës në nivelin aktual, duket se motivohet nga dëshira për të shfrytëzuar deri në fund rezervat e Amerikës së veriut që vijnë edhe me kosto të lartë, si ndëshkim pasi ata janë përgjegjës për mbifurnizimin e tregut me naftë.

Sauditët vendosën se mund të përtypnin çmime të ulëta të naftës dhe të merrnin disa nga tregjet që zotërohen nga prodhuesit amerikanë dhe kanadezë.

Sauditët duket qartësisht se po marrin në konsideratë një këndvështrim më të gjerë. Dhe braktisja e kësaj strategjie tani, mund të përfaqësonte një ndryshim të vështirë.





Lajmet e fundit nga