web counter
LEXO PA REKLAMA!

SHKARKO APP

App Store
Google Play

E fundit!

x

Rritet numri i investitorëve në fondet e investimeve

18 Shkurt 2015, 06:33, Ekonomi CNA

Bëhet e ditur se anëtarët e fondeve të investimeve janë rritur me 15%, duke e cuar kështu numrin në 33 mijë.
me ritme të shpejtë i këtyre institucioneve relativisht të rinj dëshmohet edhe nga vlera e aseteve, që në fund të vitit të kaluar arriti në afro 64 miliardë lekë, në rritje me rreth 27% brenda një viti. Aktualisht, në Shqipëri janë të licencuar dy fonde investimi, ?Raiffesein Prestigj? dhe ?Raiffeisen Invest?, përkatësisht për investime në lekë dhe në euro.
?Raiffeisen Prestigj? investon kryesisht në obligacione dhe bono të qeverisë shqiptare, që përbëjnë afro 95% të totalit të aktiveve. Ky fond u ngrit nga banka ?Raiffeisen? në momentin që banka mëmë imponoi tërheqjen nga ekspozimi i lartë në titujt qeveritarë shqiptarë, si pasojë e kërkesave të reja rregullatore në nivel grupi. ?Raiffeisen Invest? përbën më shumë risi, sepse ka një portofol më të diversifikuar dhe ofron mundësi të investimit jashtë vendit.
Edhe në këtë rast, instrumenti kryesor janë obligacionet dhe bonot e qeverive të ndryshme, me mbi 70% të totalit të aseteve, por mbi 20% e portofolit të ?Raiffeisen Invest? janë obligacione të kompanive private jashtë vendit. Dy fondet e investimit kanë njohur një zhvillim relativisht të shpejtë, por vitin e kaluar misioni i vlerësimit të bankës Botërore dhe Fondit Monetar Ndërkombëtar i vlerësoi si një hallkë shqetësuese e sistemit financiar, për shkak të rregullimit të pamjaftueshëm në parametrat e kapitalizimit dhe likuiditetit.





Lajmet e fundit nga