web counter
LEXO PA REKLAMA!

SHKARKO APP

App Store
Google Play

Eurozonë, vazhdojnë surprizat

16 Shkurt 2015, 19:43, Ekonomi CNA

Të dhënat për shkëmbimet tregtare në zonën e monedhës së përbashkët europiane gjatë muajit Dhjetor tregojnë një rritje të nivelit të eksporteve prej 8% në terma vjetorë, ndërkohë që importet vlerësohen të jenë rritur me vetëm 1%.
Këto shifra e çojnë sufiçitin tregtar në 24.3 miliardë euro, dhe mbi pritshmëritë të cilat flsinin për një nivel në 20.5 miliardë euro. Kjo shifër gjatë muajit Dhjetor të vitit 2013, fiksohej në 13.6 miliardë euro, thuajse sa gjysma e nivelit aktual. Përgjatë gjithë vitit të shkuar niveli i ekpsorteve ka pësuar një rritje prej 2% krahasuar me vitin paraardhës, ndërkohë që importet kanë qëndruar të pandryshuara.
Sufuçiti tregtar gjatë vitit 2014 ka kapur shifrën e 194.8 miliardë eurove, rreth 42.5 miliardë më shumë se viti 2013. Përmërisimi i sufiçitit vlerësohet të ketë ardhur falë trendit të çmimeve të naftës dhe për rrjedhojë uljes së shpenzimeve për import në sektorin energjetik. Eurostat raporton se në 11 muajt e parë të vitit të shkuar defiçiti tregtar në këtë sektor ka rënë në 256.7 miliardë euro, nga 292.5 miliardë që ishte gjatë së njëjtës periudhë të vitit paraardhës.
Këto të dhëna pozitive i bashkohen atyre të javës së shkuar të cilat treguan një rritje mbi parashikimet për ekonominë e Eurozonës gjatë tre mujorit të fundit të vitit të shkuar. Shifrat refelktuan një panoramë ku motorri ekonomik i kontinentit vazhdon të mbetet Gjermania, pasi rritja e vendit u regjistrua thuajse dyfish mbi projeksionet.
Gjatë tre mujorit të fundit të vitit të shkuar, prodhimi i brendshëm bruto i zonës së monedhës së përbashkët u rrit me 0.3%. Të dhënat më të fundit të cilat tregojnë për një rritje të konsiderushme të aktivitetit të shkëmbimeve tregtare, theksojnë edhe një herë faktin se blloku, e ka mbyllur vitin 2014 nën ritme të favorshme, dhe se mbeten një sinjal i qartë edhe për ecurinë e këtij viti.





Lajmet e fundit nga