Rreziku nga abuzimet: Ja se si t’i mbroni fëmijët

26 Janar 2015, 15:00, Lifestyle CNA

Sipas raportit ?Terre des Hommes? dhe CISMAI (shërbimet e koordinimit italian kundër keqtrajtimit dhe abuzimit të minorenëve), gjashtë fëmijë italianë në 1000 janë viktima të abuzimit seksual. Duhet pranuar se edhe në vendin tonë shifrat nuk janë të pakta. Ja këshillat e një psikologeje italiane, Brunella Gasperini, për të vepruar nën optikën parandaluese, duke u hedhur një vështrim besimeve të rreme mbi abuzimin dhe abuzuesit

Ideja se dikush mund t?u bëjë keq fëmijëve tuaj provokon një seri reagimesh të përhapura që jo gjithmonë duken efikase. Ju bën dyshues, të predispozuar për të mos pasur më besim tek askush, të alarmuar dhe kontrollorë. Ndërsa të vegjëlve u fusni frikën deri ?në palcë?, ndonjëherë pa asnjë arsye, duke i bërë që të mendojnë se të rriturit janë të rrezikshëm, që ekzistojnë njerëz të zinj, të bardhë, jevgjit dhe të pastrehë, që u bëjnë keq fëmijëve.

Madje ka raste të prindërve, të cilët u thonë fëmijëve se ka edhe nga ata njerëz që i marrin me forcë dhe se në rast të tillë, të vegjlit duhet të ulërasin dhe të ikin me vrap. Duke i futur këtë mosbesim dhe frikë fëmijëve tuaj, ju nuk do të bëni gjë tjetër veçse t?i rrisni ata në mënyrë të pasigurt dhe të frikshme.

Është komode të mendoni që t?i mbani larg nga të panjohurit për të qenë të sigurt, por realiteti është shumë më shqetësues! Për shkak se shumica e dhunës dhe e abuzimit ndodh nga duart e të afërmve, të njohurve dhe madje edhe familjarëve!

Ndaj çfarë mund të bëni për të mbrojtur fëmijët tuaj?

Sipas modelit teorik të psikopatologjisë së zhvillimit, faktorë që zvogëlojnë rrezikun e abuzimit, ekzistojnë. Në nivelin familjar, kjo gjë mundësohet nga kapaciteti i kujdesit nga ana e prindërve. Kjo do të thotë që të jeni të kujdesshëm për fëmijën tuaj, të qëndroni me të, t?i dedikoni kohë, ta dëgjoni, ta njihni, të jeni për të një pikë e vërtetë referimi. Jini shumë të pranishëm në jetën e tij, duke identifikuar nevojat dhe duke mos e lënë vetëm, si në kuptimin e vëzhgimit fizik, ashtu edhe në atë emocional.

Një fëmijë që i shpreh dhe i menaxhon emocionet e veta, di t?i njohë më mirë situatat e vështira dhe të kërkojë ndihmë. Fëmijëve më të mëdhenj, kur të fillojnë të dalin vetëm, rekomandojini që, mosafrimi dhe pasja kujdes ndaj personave të panjohur, mund t?i ndihmojë shumë ata në sigurinë vetjake.

Por është e nevojshme që më parë t?i flisni për seksualitetin, zonat intime, për respektin, trupin, kënaqësinë dhe për ndjenjat. Në mënyrë që fëmija të bëhet më i ndërgjegjshëm për trupin e vet, për ndjesitë pozitive dhe negative, për rëndësinë e refuzimit të asaj që nuk e bën të ndihet mirë, për respektin e pjesëve private të trupit.

Janë përvetësime themelore që të mësojnë të mbrohen nga situata të rrezikshme. Por edhe nga çdo eksperiencë intime e padëshirueshme. Për pjesën më të madhe të fëmijëve, seksi është ende një argument tabu, mbi të cilin marrin shumë pak informacion të duhur nga prindërit dhe shkolla. Por edhe nga mediat, fatkeqësisht informacionin e marrin të shtrembëruar.

Dëgjimi, edukimi apo arsimimi emotiv dhe ai seksual realizojnë pikat kyçe të parandalimit. Por parandalimi në një kuptim më të gjerë do të thotë gjithashtu rizbulim i marrëdhënieve, i thellimit dhe i dhënies ?peshë? atyre, si për shembull me familjarët, miqtë dhe jo vetëm.

Jetojmë në një shoqëri të uritur për komunitet, që tashmë ?shtrihet? mbi njohjet virtuale. Mundësia për t?iu drejtuar bashkëbiseduesve të vlefshëm në momente vështirësie, mundësia për të diskutuar, ballafaquar, për t?u dëgjuar, janë faktorë mbrojtës kryesorë për të përballuar denjësisht situatat delikate.

Izolimi, mbyllja në vetvete, boshllëku social krijojnë rreziqe për lloje të ndryshme abuzimesh në të gjithë familjen. Pas fakteve tragjike ka gjithmonë shumë vetmi, pakënaqësi, vuajtje. Kur pas episodeve të ndodhura, prindërit shprehen se ?nuk e kisha imagjinuar kurrë t?i ndodhte kjo gjë fëmijës tim?, është si të thuash ?nuk e kam vënë re, nuk jam kujdesur, nuk jam shqetësuar për t?i qëndruar afër, për ta kuptuar se si ishte fëmija im tashmë i abuzuar?!