E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia, familja. K...

Meta sulm Bashës/ Sjellje jokonstruktive të tij dhe të partisë që përfaqëson

15 Dhjetor 2014, 23:28, Aktualitet CNA

Kreu i Kuvendit, Ilir Meta u shpreh sonte, në një intervistë tek 5 pyetjet nga Babaramo, përsa i përket mundësisë së bojkotit të opozitës në zgjedhjet lokale, ?çdo forcë politike ka të drejtë të marrë vendimet e saj sovrane dhe të paraqitet në zgjedhje, apo edhe të mungojë në to, që natyrisht nuk është një veprim vërtet demokratik, pasi lë përkrahësin e saj të papërfaqësuar. Tashmë 21 qershori u vendos dhe të gjithë do të përgatitën për zgjedhjet e reja vendore?.

Ndërsa sa i përket mundësisë për një referendum për reformën territorial, Meta u shpreh se, ?nuk dëshiroj të merrem me variantet e kryetarit të PD dhe me sjelljen jokonstruktive të tij dhe të partisë që përfaqëson, pasi këto vendim janë absurde. Ata janë vetëpërjashtuar, edhe pse janë ftuar të marrin pjesë në një komision të posaçëm. U është dhënë numri i njëjtë i anëtarëve. Kanë organizuar një konventë të tyre dhe kanë thënë që do të paraqesin një qëndrim të tyre. U sqaruan dhe atje të gjitha hapat që ishin hedhur dhe kriteret mbi të cilat konfigurohej kjo reformë, dhe iu kërkua opozitës të sillte variantin e saj. Opozita duhet të sillte qëndrimin e saj në argumente të bazuara, por PD vendosi të sillej ndryshe, pasi nuk donte të merite asnjë përgjegjësi për këtë reformë?.

Duke folur për kandidatët e PS-së dhe LSI për zgjedhjet lokale, Meta u shpreh se, ?besoj se jemi ende herët për të folur për taktikat që do të ndiqen për zgjedhjet vendore, por jo herët për përgatitjet. Në gjykimin tim zgjedhjet vendore nuk janë kaq të rëndësishëm në planin e përbashkët politik, por janë të rëndësishme për shërbimet ndaj qytetarëve, pasi me reformën e re parashikohet të shfuqizohet ky vendim. Partitë kanë nevojë të mobilizojnë aktivistët, militantët e tyre. Unë i shoh këto zgjedhje si një mundësi për të ndërtuar në themel një pushtet të ri vendor jo vetëm në formë bazuar në reformën e re, por në mënyrë të veçantë në standardin e shërbimeve që do t?u ofrohen qytetarëve?.

Ndërsa pyetjes nëse zonja Kryemadhi do të kandidojë për Bashkinë e Tiranës, kreu i Kuvendit u shpreh se, ?nuk kam informacion për një gjë të tillë. Nuk jam shumë i pasionuar pas rrjeteve sociale. Është shumë herët për të diskutuar për kandidatët?.

Lidhur me bojkotin e PD në Kuvend, Meta theksoi se, ?moralisht ky bojkot ka marrë fund me kohë. Edhe pse PD diti të shfrytëzojë një incident të papranueshëm. Për arsye të të gjithë veprimeve që u realizuan edhe nga Kuvendi, pretendimet e opozitës kanë rënë dhe i takon asaj të zgjedhë kohën për t?u rikthyer në Kuvend?.

Ndërsa për zgjedhjen e Guvernatori të ri të Bankës së Shqipërisë, Meta tha se, ?besoj se do të bëhet gjatë javëve të ardhshme. Deri më tani është bërë grup-lista. Por ne nuk kemi zgjedhur ende, pasi jemi duke kërkuar një emër bindës për këtë pozitë. Është një proces që duhet të bëjë rrugën e tij. Sa i takon emrit të dekretuar nga Presidenti, them se për të gjithë emrat patëm mendimin se ishin jo shumë të njohur dhe jo shumë bindës. Sistemi bankar është një sistem ku punojnë shumë personalitete në fushën e tyre, por jo të gjithë janë të njohur në publik. Kemi patur konsultim të herëpashershëm me kryeministrin, dhe kemi ndarë pak a shumë të njëjtin vlerësim?.

Sa i përket projektligjit të hapjes së dosjeve, Meta theksoi se, ? ky projektligj është depozituar në Kuvend, dhe në fillim të janarit do të vendoset se kur do të përfshihet në kalendarin e punës. Unë besoj se është një çështje që përderisa është rihapur ia vlen të marrë një zgjidhje përfundimtare le të shpresojmë, pasi nuk është një çështje e re. Vetë procesi i dosjeve nuk fillon sot por ka nisur me kohë, që me ndryshimet e vitit ?90. Por asnjëherë nuk pati një konsensus dhe një model europian që të ndiqej?.