HABERET E MITROS/ E VËRTETA E HIDHUR: VARREZAT

1 Nëntor 2014, 23:00, Aktualitet CNA

Nga Mitro Cela

?Dita e të vdekurve? u bë sebepi që familjarisht të marrim rrugën për në varrezat e Sharrës. Rruga ishte çarë. Ishte hapur një kanal. Brenda ishin kallur tuba. Kanali, vëra vëra, kishte zaptuar një pjesë të rrugës.
Kapërcejmë një nga portat. Pamje skandaloze. Kudo plehra. Askush nuk I grumbullon. Askush nuk I transporton. Mes varrezava takova një mikun tim. Ai vjen po thua çdo të diel në varreza. E pyeta: Pse kjo tablo e shëmtuar?
-Kur ishte Kryetar I Bashkisë Rama, në varreza ishte një përgjegjës socialist. Në atë kohë, jo se shkëlqenin varrezat. Por kishte më shumë kujdes. Erdhi Basha. Si zakonisht u zëvendësiua edhe përgjegjësi. Shiko produketet e këtij ndryshimi?! Nuk kanë mbetur më rrugica ndarëse mes parcelave. Ikën edhe hekurat që rrethonin varrezat. Kudo varre?
Vazhduam ritin e zakonshëm. Mbi varret e familjes lamë lule dhe ndezëm nga një qiri. Në parcelën e tretë takuam një meso burrë. Dukej I shqetësuar dhe I trishtuar. Përsë vallë?
-Kam gruan sëmurë. Ka disa ditë në gjendje komo. Mjekët ja kanë prerë shpresën. Kam dy ditë që bredh varrezë më varrezë. Këkoj një vend për varr. Nuk ka,- më thonë në ndërmarrje. Ndërkohë unë shoh se çdo ditë varrosen njerëz. Ku gjendet toka?…Nën zë, më thonë se duhet mik dhe para. Jam gati të paguaj. Por ku ta gjej sekserin?…
U largua pa më përshëndetur. Hall mbi hall! Takova Shpresa Jaonidhin. Ajo ka një angjesi varrimi.
-Shërbimet e funeralit në Tiranë ,- thotë Shpresa,- gjanë si dy pika uji më shërbimet funerale në Romë, Athinë a Zagreb. Pse? Sepse janë privatizuar. Pronarët kanë blerë makina të reja. Kanë restorante. Shërbejnë 24 orë në ditë. Por janë anakronikë varrezat. Vend për varrim nuk ka në Tiranë, në Shkodër, në Vlorë, në Sarandë a Koplik. Po pse? Sepse varrezat varen nga pushteti lokal. Unë kam tokë për ta kthyer në varreza. Tokë kanë edhe pronarë të tjerë të shërbimeve funerale. Kemi kërkuar që edhe sheshet e varrezave të jenë private. Shteti nuk e zgjidh dot këtë problem. Ka tetë vjet që lutja jonë, bie në portë të shurdhët?!
Ka dy vjet që është hedhur ideja e varrezave në formë muri. Mund të jetë ide e mirë. Por vetëm fjalë. Pengon burokracia. Por pengon edhe tradita. Kultura?Nën zë edhe feja?