E fundit!

12:44 Politikë

Skana gozhdon Gjonin: Deputeti part time që i qan zemra për Mirditën, po deformon realitetin

Zëvendësministrja e Mbrojtjes, Pranvera Skana, i është për...

Filipi mbron tek Antena vendimin e UEFA

28 Tetor 2014, 23:00, Aktualitet CNA

Pas shpërthimit të pamatë të patriotizmit shqiptar nëpër blogje dhe analizave për vendimin e UEFA-s, rubrika Antena i kërkoi një opinion publicistit dhe shkrimtarit të humorit, Filip Çakuli, i cili duke qenë me origjinë greke, ka fshehur mendimet e tij në këtë situatë të turbullt për shqiptarët. I detyruar të përgjigjet, Filipi ka dhënë mendimet e tij, përse UEFA ka te drejtë në vendimin që ka marrë.

Më poshtë përgjigjia e plotë e tij:

?Vendimi i UEFA-s, që irritoi jo vetëm shqiptarët, po mbarë opinionin ndërkombëtar, po ta shohësh me gjakftohtësi, është i drejtë.

Sepse:

Së pari, dhe me kryesori, futbollistët tanë nuk pranuan të vazhdonin ndeshjen me tifozat ne fushë. Ekipi shqiptar këtu ka treguar ndershmëri, pasi nuk mund të luante me lojtarë joprofesionistë, por kjo e ka irrituar UEFA-n, e cila e quan fyerje për tifozët, refuzimin nga ekipi shqiptar.

Së dyti, dënohet dhe Serbia që i lejoi tifozat në fushë. ?Post hoc, non propter hoc?, thoshin latinet. Domethenë, pas kësaj, nuk do të thotë për shkak të kësaj. Por, këtu secila palë ka arsyetimet e veta. Serbët thonë e bëmë këtë që të dëshmonim se shqiptarët janë kokëfortë, dhe këtë e dëshmuan pasi u thyen karriget në kokat e lojtarëve. Por, për UEFA kjo është e paparanueshme, se është antireklamë për kompanitë evropiane të karrigeve dhe dëmton biznesin perëndimor.

Së treti, dënohet Serbia me 100 000 euro që nuk mbajti rend dhe rregull ne stadium.

Së katërti, dënohet Shqipëria me 100 000 euro që nuk iu nënshtrua këtij rregulli dhe rendi në stadium.

Së pesti, fjala ?autokton? prek drejtpërdrejtë serbët, se ata jane te dyndur ne trojet e tyre te sotshme, ndërkohe që albanët kane qenë në trojet e tyre denbabaden.

Meqenëse ilirët janë që në antikitet këtu dhe dyndjet sllave datojnë në Mesjete, serbët kanë të drejtë të preken dhe te provokohen pse kane ardhur me vonesë këtyre anëve. Ç?faj kanë ata që nuk janë autoktonë?

Së gjashti, dënohet Serbia qe nuk lejoi te ngrihet flamuri shqiptar, po dënohet dhe Shqiperia që nuk e ngriti ate flamur, por ngriti nje flamur tjeter.

Së shtati, serbët vershellyen hymnin kombetar shqiptar dhe denohen per kete, por dënohet dhe Shqiperia qe nuk paraqiti nje hymn tjeter, te pelqyeshem për palën pritëse, prandaj ky hymn duhet te reformohet.

Së teti, denohen serbet qe ulëriten ne fushe se do t?i vrasim shqiptaret dhe nuk e mbajtën fjalen.

Së nënti, denohen dhe sportistet shiptare qe pranuan te vriteshin si burra ne mes të stadiumit.

Së dhjeti, denohet stadiumi i Beogradit për dy ndeshje pa tifoza ne shkallet e tij, po nderkohe UEFA i lejon keta tifoza të rrinë në fushe, bashkë me lojtarët, për ta ndjekur ndeshjen nga afer?

Falenderohet policia serbe për menaxhim të mirë të situatës, por dënohet Serbia që nuk menaxhoi mire këtë situatë. Se policia serbe u tregua e gatshme t?u vinte në ndihmë futbollisteve dhe tifozeve të saj, për të rrahur futbollistët shqiptare.

Dënohen futbollistët shqiptare që kundërshtuan me dhunë policine serbe, kur ajo po kryente detyren e saj në stadium, duke i rrahur ata.

Por mbi të gjitha përgezohet politika dhe publiku shqiptar që nuk i dhane ngjyrime politike nje veprimtarie sportive dhe që u moren gjithe kohën me ndeshjen, me anen teknike te saj, me talentin e futbollisteve në mbrojtje të portes se tyre dhe jo në mbrojtje të flamurit...?