Basha: Rama të reflektojë

7 Tetor 2014, 22:00, Politikë CNA

Pas prezantimit të progres-raportit për Shqipërinë, Kryetari i Partisë Demokratike Lulzim Basha tha se opozita do të kthehet në Parlament nëse kryeministri Rama reflekton lidhur me qëndrimet e Qeverisë ndaj vendimeve të Gjykatës Kushtetuese, si dhe për denoncimet e bëra vazhdimisht nga PD për të inkriminuarit në Parlament.

Duket se kjo ishte përgjigjia që kreu demokrat i ka dhënë edhe Kryeministrit Edi Rama, i cili në konferencën e përbashkët me Ambasadoren e BE-së në Tiranë, tha se ?nuk e dinë se çfarë kërkon opozita?.

Kreu i PD tha se progres-raporti thekson rëndësinë e dialogut politik, duke u shprehur se integrimi evropian kërkon bashkëpunim me opozitën.

?Raporti thotë se duhet një qasje gjithëpërfshirëse për reformën në drejtësi. Në Bruksel shkohet me opozitën, jo kundër saj. Duam ndarje dhe balancim të pushteteve dhe jo kapje të institucioneve. Kërkohen liri dhe të drejta dhe jo nëpërkëmbje të tyre. Kërkohet liri e medias dhe e shoqërisë civile, po kështu kërkohen edhe zgjedhje të lira. Duhet të zbatohen vendimet e Gjykatës Kushtetuese, dhe të reagohet për të inkriminuarit në Parlament?, tha Basha.

Basha tha se progres-raporti i paraqitur ditën e sotme denoncon mungesën e dialogut për reformat dhe, sipas tij, shpreh shqetësimin për moszbatimin e vendimeve të Gjykatës Kushtetuese.

?Raporti denoncon mungesën e dialogut për reformat, e kryesisht për reformën territoriale për moszbatimin e vendimeve të kushtetueses, për kapjen e institucioneve të pavarësi, për goditjen që i bënë shitblerjes së votave më blerjen e votave në Korçë.

Për herë të parë në progres raportin e prezantuar sot shprehet shqetësimi për moszbatimin e vendimeve të gjykatës kushtetuese dhe të kushtetutës.

Konsensusi që u arrit në parlament nuk mund të hidhej poshtë me një akt normativ të njëanshëm. Raporti thotë se pavarësia e institucioneve të pavarura është cenuar me shkarkimin e drejtuesve të tyre. raporti thotë se qeveria nuk ka asnjë qasje strategjike për të luftuar krimin e organizuar, dhe thotë se ky është një shqetësim në vend.

Sa i takon luftës ndaj korrupsionit, në raport thuhet se sa i takon prokurimeve ka problematike. Për herë të parë Shqipëria renditet në vendin e dytë sa i takon kërkesave për azil, dyfish më shumë se një vit më parë. kjo do të thotë vështirësi në ekonomi, dhe rritje të papunësisë?, tha Basha.