LSI kundër Avokatit të Popullit

7 Tetor 2014, 22:00, Politikë CNA

Komisioni parlamentar i Ligjeve vijoi shqyrtimin dhe miratimin nen për nen të disa ndryshimeve në ligjin ?Për Avokatin e Popullit?, që synojnë rritjen e pavarësisë së këtij institucioni.

Avokati i Popullit, Igli Totozani dhe anëtarët e komisionit, mbajtën qëndrime të ndryshme lidhur me kompetencën për propozimin e komisionerëve. Totozani kërkoi që të ketë të drejtën të propozojë komisionerët, në të kundërt, heqja e kësaj kompetence Avokatit të Popullit do shkonte në drejtimin e kundërt.

?Nuk mundet që ndihmësi i Avokatit të Popullit të propozohet nga struktura të tjera?, theksoi Totozani.

Por, relatorja e pr/ligjit, deputetja Vasilika Hysi, u shpreh kundër këtij propozimi.

?Nuk është në të mirë të Avokatit të Popullit që kandidatët të propozohen gjithmonë brenda një rrethi shumë të ngushtë që mund të ketë Avokati, pa e zgjeruar dhe me aktorët e shoqërisë civile?, tha relatorja.

Ajo shtroi për diskutim çështjen e mandatit të komisionerit të Avokatit të Popullit, i cili tha Hysi, të mos jetë tre, por katër vjet, me të drejtë rizgjedhje vetëm një herë.

Sipas saj, duhet të ketë një proces transparent në shpalljen e vakancës që sot nuk është dhe për këtë ajo kërkoi nga Kuvendi, jo më vonë se tre muaj para përfundimit të mandatit të përcaktuar, të publikojë shpalljen e vendit vakant të komisionerit.

Edhe deputeti i LSI-së, Petrit Vasili, shprehu rezerva për propozimin e Avokatit të Popullit në lidhje me mënyrën e zgjedhjes së komisionerëve.

?Propozimi apo jo nga Avokati i Popullit e bën më të lartë pavarësinë e institucionit? Unë nuk e besoj, pasi besoj se Avokati është i pavarur. Përkundrazi, ka më shumë subjektivizëm atje dhe shumë më pak subjektivizëm këtu?, theksoi Vasili.

Kryetari i komisionit të Ligjeve, Fatmir Xhafaj, tha se në ditët në vijim do të paraqesë dhe një propozim në lidhje me këtë pikë. Ai deklaroi se maxhoranca është gjithmonë e interesuar për të garantuar pavarësinë e institucioneve të pavarura.

?Ata vërtet mund të jenë ndihmës apo komisionerë, por nuk janë thjesht nëpunës të zakonshëm të Avokatit të Popullit. Madje kur Avokati nuk është në detyrë, ata ushtrojnë detyra të deleguara. Dhe ne kemi qenë gjithmonë të interesuar që t?u japim peshën që meritojnë. Ne duam që Avokatit të Popullit t?i japim gjithmonë një peshë?, nënvizoi Xhafaj.

Në ditët në vijim, komisioni do të vijojë sërish me shqyrtimin nen për nen të ndryshimeve në ligjin ?Për Avokatin e Popullit?.