web counter
LEXO PA REKLAMA!

SHKARKO APP

App Store
Google Play

Rama i tensionuar nga ministrat e tij

24 Shtator 2014, 22:00, Politikë CNA

Kryeministri Edi Rama ka qenë mjaft i tensionuar me disa nga ministrat e kabinetit të tij gjatë seancës plenare të së enjtes. Megjithëse në sallë mungonte opozita, Rama është parë nervoz me disa anëtarë të kabinetit. Nuk dëgjohen fjalët por edhe nga pamjet mund të arrihet në konluzion se diçka nuk shkon. Të parit i ka tërhequr vemendjen Ministrit të Financave Shkëlqim Cani që mesa duket ka mbërritur me vonesë në mbledhjen e Kuvendit ku diskutoheshin ndryshime në buxhetin e shtetit. Vonesa e ministrit sipas Ramës është e pajustifikueshme.

Më pas shefi i qeverisë është parë i nervozuar nga Ministrja e Kulturës Mirela Kumbaro e cila i tregon një dokument dhe largohet pa pritur përgjigje nga shefi i saj.

(Kryeministri Rama me ministren Kumbaro)

Me pas Ministrja e Kulturës bën një telefonatë të gjatë në vendin e saj.

Por nuk është mbyllur me kaq. Rradhën e ka ministri i Energjitikës Damian Gjiknuri i është afruar dhe me këmbë e me duar mundohet të bindë shefin e tij. Por Rama çohet në këmbë dhe në shenjë mohuese duket që thotë: ?Jo. Nuk e bëjmë dot kështu!?. Lapsi.al ka mësuar se ditët e fundit Kryeministri Rama ka bërë debate të shpeshta me ministrin e Energjitikës Gjiknuri. Përplasja e fundit ka qenë në zyrën e kryeministrit ku mësohet se në disa momente debati e ka kaluar kufirin e zakonshëm.  

(Kryeministri Rama me ministrin Gjiknuri)

I vetmi që i ka kthyer buzëqeshjen kryeministrit Rama është një deputet nga salla që përpara se të lagohet Rama e ka përshendetur duke e nderuar si shef./lapsi.al/





Lajmet e fundit nga