Doris Pack: Parlamenti po i heq kompetencat Presidentit. Deputetë të lidhur me krimin

22 Shtator 2014, 10:41, Politikë CNA

Europarlamentarja Doris Pack e konsideron si një të drejtë legjitime kërkesën e opozitës në Shqipëri për ngritjen e Komisioneve Hetimore.

Duke komentuar situatën politike në vend, europarlamentarja kërkoi nga mazhoranca që ti krijojë mundësinë opozitës për komisionet hetimore, të cilat i konsideroi si një të drejtë të saj.

Në këtë kuadër, Pack tërhoqi vëmendjen që në këtë rast për opozitën nuk po ndiqen rregullat e duhura.

Gjithashtu Pack u tregu kritike edhe përsa i takon raporteve mes mazhorancës parlamentare dhe Presidentit të Republikës, që sipas saj po i merren kompetencat.

Eurodeputetja Doris Pack gjithashtu u ka bërë një apel politikanëve shqiptarë që të ndryshojnë imazhin e vendit. Sipas saj, duhet bërë kujdes me imazhin që përcillet jashtë vendit pasi media paraqet një luftim qe nuk është shumë impresionues mes forcave politike.

?Ju duhet të ndihmoni që të ndryshojë imazhi i vendit tuaj. Jeta politike në Tiranë nuk është kaq e mahnitshme. Media paraqet një luftim që nuk është shumë impresienues. Duhet kujdes me imazhin që përcillni jashtë?, u shpreh Pack.

Pack theksoi se Shqipëria do ta kishte marrë me përpara statusin e vendit kandidat nëse do të kishte bashkëpunim.

?Shqipëria e mori statusin pasi puna ka nisur që para 8 vitesh. Statusi duhet të ishte marrë më përpara nëqoftëse do të kishte bashkëpunim me opozitën e asaj kohe. Sjellja mes pozitës dhe opozitës nuk është për t?u vlerësuar.

Të duken sjellje fëminore pasi merren me çështje familjare. Parlamenti po merr forcën e presidentit, dhe nëqoftëse nuk iu pëlqen ata mund ta heqin. Shumë anëtarë të parlamentit kanë probleme kriminaliteti, dhe janë brenda në parlament. Kjo është e patolerueshme?, tha Doris Pack.

Komentet europarlamentarja i bëri nga qyteti i Shkodrës ku zhvilloi edhe një takim me kreun e Bashkisë.

Eurodeputetja Pack foli për rëndësinë e pedonales së këtij qyteti, ndërsa kërkoi që në këtë zonë nuk duhet të lejohet qarkullimi i makinave.

?Policia duhet të tregojë kujdes për këto zona, janë pasuri që duhen ruajtur?, është shprehur Pack.