E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Nje dasem me 5 pyetje

7 Shtator 2014, 18:50, Politikë CNA

Nga Oerd Bylykbashi

Kur dikush martohet, urimi i natyrshem eshte “cifti te trashegohet”. Edhe une i uroj ciftit qe dje u martua me shume buje ne kalane e Gjirokastres, jete te lumtur e me trashegime!

Shprehja 2 martohen dhe 100 harbohen tashme shumezohet me 10. Ne kala dje ishin 1000 thone. Une besoj se nuk eshte aspak etike te merresh me jeten private te dikujt, edhe pse dasmat e kapercejne cakun e jetes private.Mua as me duhet sqarimi i ndonje te ftuari qe duke u perpjekur ne media te justifikoje shpenzimet per 1000 vete perfshire ambasadore me peshe, perflet gostine duke e zhvleftesuar ushqimin dhe organizimin si ato grate thashethemexhie te ftuara ne dasem (cuditerisht te njejten gje benin e thoshnin edhe per ditelindjen e famshme te Gjirit te Lalzit). Nese keta te ftuar mosmirenjohes kane te drejte, fundja sikleti i mbetet te zoterve te dasmes. Ndokush mund te thote: fto 100 dhe nderoji! Po as kjo nuk i hyn ne xhep askujt qe ka nje etike normale. Meqe ne kemi edhe shprehjen tjeter “pyet 100 vete e bej si di vete”, nese dikush do te beje dasme te madhe, le ta beje si te doje e te mendoje.

Por me vijne disa pyetje:

1- meqe eshte detyrim me ligj per nje zyrtar te larte te deklaroje cdo shpenzim qe i kalon 3 milion leke te vjetra, a do i deklaroje ministri keto shpenzime per dasmen dhe sa do deklaroje? Per te mos spekuluar me shifren, mendojeni vete se c’eshte minimumi i kostos per person per nje dasem mondane dhe shumezojeni me 1000.

2- a do te kryeje ILDKP hetim te detajuar me inisiative te vet per koston reale te eventit dhe burimin e te ardhurave?

3- nese pjese te shpenzimeve te dasmes u jane bere dhurate, pra nuk eshte renduar aq shume cifti qe gezonte, a do deklarohet se sa eshte vlera e ketij dhurimi dhe nga kush eshte bere? Si rregull sponsorizuesit nuk mund te perfitojne e as te kene perfituar kontrata publike nga ministria ne fjale.

4- a jane bere shpenzime nga institucione apo ndermarrje apo kompani shteterore si CEZ, pastrim gjelberimi etj, per pregatitjen e kalase se Gjirokastres per dasmen private te djeshme? Si jane justifikuar keto shpenzime te parave te taksapaguesve?

5- a mund te perdoret kalaja e Gjirokastres apo cdo monument i ngjashem kulture nga qytetaret e thjeshte per organizimin e dasmave, apo cdo sebepi tjeter familjar privat? Nese po ku jepet leja?

Nuk besoj se ezaurova pyetjet legjitime te kujtdo qe eshte me pak i barabarte para ligjit se nje minister. Ne cdo rast, askujt nuk i duhet se sa vete fton dikush ne dasme apo me cfare i gostit. Por pyetjet qe bera me siper nuk jane ceshtje kurioziteti te semure, por nje detyrim ligjor. Me kujtohet se para disa vitesh, ministri i mbrojtjes gjerman dha doreheqjen sepse kishte kryer nje udhetim privat me nje avion te ushtrise. Apo nje kryeminister cek dha doreheqjen sepse nuk justifikoi “vetem” 30 mije euro per blerjen e nje prone.

Ndoshta doreheqja eshte te pretendosh shume, por pergjigjet me siper jane detyrim per publikun.