web counter
LEXO PA REKLAMA!

SHKARKO APP

App Store
Google Play

I riu nga Librazhdi i vrarë në Siri/Familjarët e dinim me studime në Arabi

16 Gusht 2014, 14:35, Aktualitet CNA

Një ditë pas vrasjes së të riut shqiptar në luftimet në Siri kanë reaguar edhe familjarët e tij.

Sipas Tahir Balliut, xhaxhait të 24-vjeçarit Idajet Balliu të vrarë në Allepo, nipi i tij është mashtruar me para për të luftuar në Siri.

Tahir Balliu thotë për ?A1 Report?se nuk ishte në dijeni për këtë fakt, pasi të afërmit e 24-vjaçarit e dinin se i riu vijonte studimet në Arabi.

Ndërkaq, xhaxhai i 24-vjeçari bën apel që të ndëshkohen ata persona që mashtrojnë të rinjtë duke i dërguar për të luftuar në Siri.

?Djali është mashtruar dhe është joshur me para pasi ishte shumë dobët nga gjendja ekonomike. Vëllezërit dhe familjaret e tjerë jetojnë në Lushnjë. Aktualisht babai dhe nëna ndodhen në Xhihad në Arabi?, pohon xhaxhai i Idajetit për ?A1 Report?.

?Familjarët gjithmonë na thonin që ai është për studime në Arabi dhe sot në mëngjes e kemi marrë vesh nga mediat se ku ndodhej ai në të vërtetë.

 Na erdhi shumë çudi për vendndodhjen e nipit pasi gjithmonë e dinim që është me studime. Ai ishte një djalë i ri dhe u vra për një gjë të gabuar, ne njihemi si fshat fetar por jo kaq ekstremist sa po shfaqen djemtë e fshatit në Siri.

Kërkoj që të ndëshkohen ata persona qe i mashtrojnë me para këta djem duke përfituar nga gjendja e keqe ekonomike?, është shprehur xhaxhai Tahir Balliu.





09:59 Aktualitet

Vrasje ne Tirane

Një vrasje u shënua në orët e paradites tek zona e njohur si...

Lajmet e fundit nga