E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Kryepeshkopi Anastas Janullatos “Qytetar Nderi” në Aliko

16 Gusht 2014, 09:16, Aktualitet CNA

Kryepeshkopit Anastas Janullatos i është akorduar dje titulli ?Qytetar Nderi? nga komuna Aliko.

Kreu i Kishës Ortodokse është nderuar me titull gjatë një ceremonie të organizuar në kishën Shën Saranda, në qendër të fshatit, ku merrnin pjesë ambasadori grek në Tiranë, Leonidas Rokanas; kryetari i PBDNJ, Vangjel Dule; kryetari i MEGA-s, Kristaq Kiço; konsulli grek në Gjirokastër, Nikollao Kotrokoi, kryetari i ?Omonia?-s, Vasil Bollano etj.

Në fjalën e tij falënderuese, Janullatos tha se është prej kohësh qytetar i kësaj zone dhe bëri thirrje që të gjithë të bashkuar të bëhen pjesë e Europës.

?Jam gjithmonë i pranishëm në gëzime, dhimbje por edhe në mërzitjen tuaj.

Kam qenë më shpejt i pranishëm këtu tek ju, por tani, sot jam me ligj duke më nderuar si Qytetarin Tuaj.

Kam ardhur para 23 viteve dhe krijuam Kishën Autoqefale Shqiptare, atëherë kur shumë të tjerë nuk e dinin se çfarë ishte kisha ortodokse.

Kemi ecur rrugë e pa rrugë edhe nëpër rrugë me gropa për të gjetur një kishë. Tre gjëra e zbukurojnë njeriun: vërtetësia, bukuria dhe dashuria.

Ata që na luftuan, ne u hapëm krahët dhe i futëm nën flatrat tona dhe sot ecim paralelisht. Gurë- gurë kemi ndërtuar të djeshmen, të sotmen dhe të ardhmen e këtij vendi?, tha ai.

Por në kohën kur ende nuk janë shuar debatet për ndarjen e re administrativo- territoriale, nga ku minoritetet kanë dalë kundër saj, konsulli grek në Gjirokastër bëri thirrje për bashkim mes tyre.

?Kur jemi bashkë, kemi forca dhe jemi në gjendje të realizojmë objektivat tona.

Duke qenë bashkë, e detyrojmë tjetrin të na respektojë më shumë.

Nuk duhet të tolerojmë akoma edhe sot kur Shqipëria jep prova për në Europë. Unë sot këtu kuptova çdo të thotë minoritet etnik grek?, tha Kotrokoi.

Ndërsa kryetari i komunës Aliko, Kristo Kaishi, tha: ?Shkëlqësia e Tij ka qenë gjithmonë i pranishëm në fshatin tonë.

Kjo ditë sot është historike pasi përkon edhe me festën e Shën Marisë.

Në vitet e para të demokracisë Hirësia e Tij, Janullatos na mësoi dy fjalë ?Faleminderit? dhe ?Më fal? dhe këto janë shumë për ne. Ne i falenderohemi Atij?.