LEXO PA REKLAMA!

SHKARKO APP

E fundit!

x

Basha prezanton projektin e Tramit

9 Qershor 2014, 22:00, Aktualitet CNA

Bashkia e Tiranës ka prezantuar sot projektin e linjës së tramit Kombinat-Kinostudio. Kryetari i Bashkisë Lulzim Basha theksoi se ky projekt është një tjetër premtim i mbajtur që ka në fokus përmirësimin e jetës së qytetarëve. Kryebashkiaku Basha prezantoi avantazhet kryesore të projektit, duke theksuar shkurtimin e kohës së udhëtimit, mbrojtjen e mjedisit dhe koston e përballueshme të shërbimit.

Ndërkohë shpresojmë që trami të nisë të ndërtohet sepse ky projekt është prezantuar edhe kur kryetar Bashkie ishte Edi Rama. Ndërkohë që Bashkia e Tiranës, e ka buxhetin të bllokuar dhe nuk ka fonde, çka le të nënkuptohet dhe të pritet sesi do të ndërtohet trami, apo do të vazhdojë të mbetet një projekt në letër.

Kryetari i Bashkisë së Tiranës Lulzim Basha i kërkon Kryeministrit Edi Rama të mbështesë projektin për ndërtimin e Tramit, si dhe të tregojë vullnet për realizimin e tij. Ndërsa prezantoi projektin e Tramit në linjën Kombinat-Kinostudio, Basha e cilësoi si bazën e ndërtimit të Tiranës Europiane.

?Është një kënaqësi e madhe të jemi këtu për të jetësuar atë çfarë 3 vite më parë e premtuam, ndoshta disa të tjerë, madje edhe dashamirës e mosbesuan, por sot ka mbëritur finalizimi i projektit të tramit. 3 vite më parë shpalla synimin tim për zhvillimin e qytetit afatgjatë me përmasa metropolitan duke përmirësuar jetesën e qytetarëve dhe duke hedhur bazat e Tiranës europiane.Në zgjedhjet e para 3 viteve, projektin për ndërtimin e Tramit e kishim të dy kandidatët, unë si kryetar bashkie dhe ish-krebashkiaku. Ndaj sot është momenti që ish-Kreu i Bashkisë të tregojë vullnetin për realizimin e këtij projekti madhor për Tiranën?, tha Basha.

Në vijim kreu i bashkisë shprehu optimizmin për jetësimin e këtij projekti duke u mbështetur edhe tek besimi i qytetarëve të Tiranës. Basha bëri të ditur se për realizimin e këtij projekti ka interes nga kompani të vendeve të ndryshme të Botës.

Duke prezantuar projektin, kryebashkiaku theksoi se ?transporti me tram do të përgjysmojë kohën e udhëtimit, intinerari Kombinat-Kinostudio do të përshkohet për 24 minuta pasi linjat e Tramit janë ta papenguara nga trafiku. Transporti me tram do të ulë koston e transportit në qytet dhe do të ofrojë një shërbim shumë më cilësor i cili orjenton shumë qytetarë drejt përdorimit të transportit publik?.

 ?Linja që ka një gjatësi prej 9 km dhe në fazën e parë parashikohet të transportojë 90 mijë pasagjerë në ditë, me një perspektive dyfishimi deri në 186 mijë pasagjerë në ditë në periudhën afatmesme. Kostoja e transportit sipas studimit parashikohet deri në 50 lekë për person, ndërsa shërbimi i mesatarizuar duke përfshirë edhe shërbimet e aboneve mujorë apo vjetore është 41 lekë për person. Ka qenë synimi ynë që përvec shërbimit komod ofrojmë edhe çmime të përballueshme për qytetarët tanë?, vijoi ai.

Ndërkohë, kosotoja e projektit vlerësohet mes 120-155.5 milionë euro. Realizimi i projektit parashikohet me konçesion ose partneritet publik privat, ku partneri publik është natyrisht Bashkia e Tiranës.

14:24 Aktualitet

UET sa i vlen lekura

Nga Pedagogia e Prenotuar*Jam kthyer në Shqipëri me 28 euro ...

Lajmet e fundit nga