web counter
LEXO PA REKLAMA!

SHKARKO APP

App Store
Google Play

ZYRTARE/ Rudi Völler, menaxheri i ri i DFB. Më 1 shkurt do të nisë nga puna…

20 Janar 2023, 09:18, Sport CNA

ZYRTARE/ Rudi Völler, menaxheri i ri i DFB. Më 1 shkurt do të

Rudi Völler do të jetë drejtori dhe menaxheri i ri i kombëtares së Gjermanisë që nga 1 shkurti. Në faqen zyrtare të Federatës Gjermane të Futbollit thuhet se vendimi është marrë pas një grupi pune mes presidentit të DFB-së Neuendorf, zv.presidentit Watzke, Voeller, Rummenigge, Kahn dhe Mintzlaff.

Ish-lojtari dhe trajneri i ‘Pancerave’ komentoi vendimin: “Pas shumë vitesh fantastike në Bayer 04 Leverkusen, po kthehem në vendin ku kam mundur të përjetoj momente të mrekullueshme si trajner. Ndaj punës sime të re me kombëtaren po i qasem me mirënjohje, pasion dhe motivim të madh. Para së gjithash, ne duhet të hedhim themelet për një kampionat europian të suksesshëm në tokën tonë në vitin 2024, të mbështetur nga e gjithë Gjermania.

Ne kemi lojtarët për këtë. Tani duam të formojmë një komunitet të ngushtë të këtyre shumë lojtarëve kryesorë, një ekip kombëtar me vullnet të fortë dhe të pëlqyeshëm me synimin e qartë për të fituar mbështetjen e pakufizuar të tifozëve. Dhe mbi të gjitha, dua t'i jap një avantazh trajnerit të kombëtares Hansi Flick dhe ekipit të tij që trajnon."

Ai pason Oliver Bierhoff në këtë pozicion pas zhgënjimit në Botërorin e kaluar, në Katar, test në të cilin kandidatët tradicionalë për titull nuk arritën të kalonin fazën e grupeve, duke përsëritur imazhin e keq të lënë në 2018, në Rusi.

Kujtojmë që Rudi Voller udhëhoqi si trajner Mannschaft në finalen e Kupës së Botës 2002 (Kore e Jugut/Japoni), ku u mund nga Brazili, me rezultatin 0-2. Si futbollist, ish-golashënuesi ishte zv/kampion i Kupës së Botës në vitin 1986, në Meksikë, duke humbur në finale, me Argjentinën, me rezultatin 2-3, ndeshje në të cilën shënoi një nga golat e Gjermanisë së atëhershme (Republika Federale e Gjermanisë).





Lajmet e fundit nga