web counter
LEXO PA REKLAMA!

SHKARKO APP

App Store
Google Play

E fundit!

x

Vllaznia ndalet te shtylla, në Elbasan ndahen pikët

6 Tetor 2024, 21:06, Sport CNA

Vllaznia ndalet te shtylla, në Elbasan ndahen pikët

Nuk prodhoi fitues supersfida e javës së tetë, mes Vllaznisë dhe Elbasanit. Një sfidë spektakolare në “Elbasan Arena”, që kishte gjithçka brenda përveç golave.

Vllaznia e nisi vrullshëm takimit duke rrezikuar që në fillim, me gjuajtjen e Dodajt me kokë, që u ndal nga shtylla.

Kuqeblutë ishin të pafat edhe në minutën e 14-t, kur panë gjuajtjen e Balajt me kokë, të ndalej nga tranversa, pasi portieri Abalora ishte mposht.

Në minutën e 27-të, te Vllaznia kishin pretendime për penallti, pasi Lulaj ndali Malën në mëyrë të parregullt, por faulli ishte jashtë zonës.

Sulmet e miqve ishin të vazhdueshme dhe në të gjitha format, teksa në minutën e 29-të, Kahrimanoviç me një gjuajtje nga goditja e dënimit, u ndal nga portieri i vendasve.

Pretendimet për penallti në minutën e 38-të kaluan tek Elbasani për prekje me dorë, por edhe në këtë rast, vazhdoi loja normalisht.

Në fundin e pjesës së parë, Hasani gjeti rrugën e rrjetës, duke bërë që të shpërthejë festa në stadium, por goli u anulua për pozicion jashtë loje.

Ashtu si fraksioni i parë, edhe i dyti nisi me Vllazninë të pafat. Edhe në minutën e 46-të, Dodaj u ndal nga tranversa, duke mos i besuar syve.

Një gabim i portierit Abalora, për pak i kushtoi me gol Elbasanit. Dodaj i dha një top të shkëlqyer Kahrimanovic, por kroati gaboi gjithçka, duke mos shënuar dot me portën e boshatisur.

Qarri bëri heroin për Vllazninë në minutën e 80-të, duke ndalur dy gjuajtje të rrezikshme të Elbasanit, të cilat po i drejtoheshin portës.

Rastin e fundit e kishte Elbasanit, me Gjonin që nuk gjeti koordinatat e duhura, pas krosimit të Qoses.

Pas këtij barazimi, Vllaznia mban vendin e dytë në renditje me 14 pikë, 1 më pak se Partizani kryesues, ndërsa Elbasani mban vendin e pestë me 13 pikë.





Lajmet e fundit nga