web counter
LEXO PA REKLAMA!

SHKARKO APP

App Store
Google Play

E fundit!

x

Tirana pëson humbjen e parë, Teuta feston në shtëpi

6 Tetor 2024, 21:01, Sport CNA

Tirana pëson humbjen e parë, Teuta feston në shtëpi

Teuta i shkaktoi humbjen e parë sezonale Tiranës. Durrsakët triumfuan me rezultatin 3-1 në ndeshjen e vlefshme për javën e tetë në Superiore. Skuadra e Martinit, iu fal dy penalltive, për të marrë 3 pikët.

Rastin e parë e kishte Teuta me Arsid Krujën, që provoi nga goditja e këndit, por topi u ndal pa shumë probleme nga Selmani.

Ishte sërish Kruja, i cili në minutën e 9-të, bëri që të shpërthejë festa. Me një gjuajtje të fortë në hyrje të zonës, mbrojtësi i djathtë e dërgoi topin në rrjetë, për t’i dhënë avantazhin bregdetarëve.

Megjithatë ky avantazh zgjati shumë pak, pasi në minutën e 13-të Ismajli riktheu baraspeshën, pas një aksioni të shkëlqyer nga ai vetë.

Mundësi e mirë ishte edhe ajo e minutës së 18-të, kur Prenga krosoi rrezikshëm në zonë, por Isuf nuk e arriti dot.  

Faullet dhe ndërprerjet e lojës, u bënë të shpeshta në pjesën e parë, me rezultatin që nuk ndryshoi dhe skuadrat shkuan në dhomat e zhveshjes në barazim 1-1.

Fraksioni i dytë i lojës nisi i qetë nga të dyja ekipet, që nuk donin të pësonin. Një moment i dyshimtë në minutën e 71-të, bëri që të shpërthejnë protestat te Teuta, që kërkonte penallti për ndërhyrjen e Tolës ndaj Nasr.

Gjyqtari Yzeiraj, pasi pa rastin në VAR, akordoi 11 metërsh për durrsakët, aty ku Torraj nuk gaboi, për t’i dhënë avantazhin vendasve.

Në minutën e 87-të, Teuta fitoi një tjetër penallti, me sulmuesin Nasr, i cili e mori vetë përsipër. Gjuajtja e egjiptianit u prit fillimisht nga Selmani, por përfitoi nga topi i kthyer dhe e dërgoi në rrjetë, për të vulosur takimin në 3-1.

Me këtë fitore, Teuta ngjitet në vendin e gjashtë me 13 pikë, ndërsa Tirana renditet e shtata me 9 pikë të grumbulluara.





Lajmet e fundit nga