E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Vllaznia duhet të zgjedhë mes dy sulmuesve, gati oferta edhe për Da Silvën

15 Gusht 2023, 21:10, Sport CNA

Vllaznia duhet të zgjedhë mes dy sulmuesve, gati oferta edhe për

Vllaznia vijon përgatitjet për fillimin e sezonit të ri, por mbetet ende në kërkim të një tjetër 9- shi pas Balës. Te Vllaznia po kalon një periudhë prove ekuadoriani Frank Obando. Ai luan si sulmues, është 25 vjeç dhe 1.86 metra i gjatë. Lojtari do të jetë në provë për disa ditë dhe më pas e ka radhën stafi teknik që do të vendosë për fatin e tij, kjo edhe pas miqësores së zhvilluar ndaj Tiranës. Ai u aktivizua për disa minuta, por pa dhënë ndonjë gjë konkrete.Megjithatë mesa mësohet edhe për disa ditë do të shihet paraqitja e tij.

Ndërsa mësohet se kuqeblutë po presin edhe një përgjigje nga sulmuesi bullgar, Nasko Milev, i cili ende është pa skuadër pas prishjes së kontratës me Shkëndijën e Tetovës. Sulmuesi 26-vjeçar nga Plovdivi te Shkëndija kishte arritur nga radhët e skuadrës së FK Panevezys nga Lituania, aty ku gjithashtu kishte luajtur me fanellën e Dziugas. Karrierën e kishte nisur në vendlindje te Botev Plovdiv, ku ka luajtur 4 sezone si profesionist, para se të paraqitej me Slavia Sofia dhe Lokomotiv Sofia. Milev me Shkëndijën mësohet se ka zhvilluar 13 ndeshje, duke regjistruar 3 gola dhe 2 asistime.

DA SILVA Së fundmi në skenë për kuqeblutë po shfaqet edhe një njohje e vjetër. Braziliani i Partizanit tanimë Viktor da Silva, një njohje e vjetër për Vllazninë, mund të shihet sërish si një mundësi. Për shkak të aktivizimeve të pakta në ndeshjet e fundit, duket se mes palëve kanë filluar kontradiktat dhe në formë dënimi, trajneri i të kuqve ka vendosur të mos ta grumbullojë në miqësoren ndaj Romës. Kjo nuk përkthehet mirë nga vetë braziliani, që jo rrallë herë edhe te Vllaznia për teka të tilla ka ndërlikuar jo pak edhe problemet me drejtuesit e klubit kuqeblu.

Braziliani mësohet se gëzon kondicion të mirë fizik dhe nuk vuan nga ndonjë dëmtim. Në qoftë se mosmarrëveshja mes palëve nuk zgjidhet, ekziston mundësia që Da Silva të jetë i larguar i radhës nga të kuqtë. Ndoshta kjo pasi siç dihet menaxheri i tij është një ish-drejtues i të kuqve. E nëse do të ndodhe kjo, padyshim që Vllaznia nuk duhet ta humbasë këtë mundësi për të qëndruar gati dhe për t’i bërë një ofertë brazilianit, i cili e njeh mirë Shkodrën e ambientin. Dhe për me tepër, me fanelën kuqeblu ka fituar edhe dy trofe të Kupës së Shqipërisë. Kuqebluve u mungon një fantazist dhe më mirë se Da Silva askush nuk mund ta bëjë këtë gjë. Nëse vërtet do të ndodhë që kontrata të prishet, atëherë drejtuesit e klubit mund t’i bëjnë ofertën e duhur për ta risjellë sërish në Shkodër brazilianin.