E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Skënderbeu gjen bomberin, 21-vjeçari nga Guinea zbarkon në Korçë

14 Gusht 2023, 20:51, Sport CNA

Skënderbeu gjen bomberin, 21-vjeçari nga Guinea zbarkon në

Skënderbeu merr një tjetër sulmues duke kompletuar kështu repartin e avancuar. Korçarët kanë arritur të mbyllim marrëveshjen me sulmuesin nga Guinea, Muhamed Diabi, i cili ka mbërritur në Korçë dhe menjëherë ka filluar të punojë nën urdhrat e stafit teknik dhe përgatitësit atletik. Diabi është 21 vjeç dhe shihet si një alternativë që mund të lërë shenjë në ekipin e trajnerit Ivan Gvozdenoviç.

Gjatë karrierës së tij si futbollist, Diabi ka luajtur në ligat inferiore në Francë që në moshë të hershme e më pas ka kaluar në Luksemburg ku ka qenë pjesë e klubit Union Titus që luan në elitën e këtij shteti. Ajo që vlen të theksohet është fakti se Diabi ka luajtur 13 takime dhe ka arritur të shënojë 2 gola në 700 minuta të grumbulluara në total. Por e rëndësishme mbetet për t’u parë se cila do të jetë forma e lojtarit dhe kur ai mund të jetë gati për të luajtur.

Kjo edhe për faktin se prej një sezoni, nuk ka të dhëna për lojtarin dhe nuk dihet nëse ka qenë në aktivitet apo jo. Ndeshja e fundit, e cila rezulton të jetë luajtur nga futbollisti në fjalë, është ajo e vitit 2022, ku është aktivizuar për 62 minuta. Ndaj në Korçë po përgatiten për të kryer testet fizike me qëllim që të shihet se deri në çfarë gjendje është lojtari para se të vendosin zyrtarisht për të nënshkruar kontratën me të.

DYSHIMET – Edhe pse na ndajnë më pak se dy javë nga starti i sezonit, në Korçë duket se ende nuk janë gati, sidomos në fazën sulmuese. Edhe përpos afrimeve të reja, korçarët presin me sy e veshë nga përgatitësi atletik për të mësuar etapat e reja të kthimit në dispozicion të dy sulmuesve kryesorë. Fleçer nga njëra anë dhe Diabi në anën tjetër janë duke kërkuar të arrijnë formën e duhur para startit të sezonit.

Por nuk dihet se nëse diçka e tillë do të jetë e mundur për ndeshjen e parë ndaj Egnatias në transfertë. Në të kundërt trajneri Gvozdenoviç do të duhet të mbështetet te lojtarët që kanë në dispozicion bardhekuqtë dhe që kanë kryer të plotë fazën përgatitore me grupin.