E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

VIDEO/ Veriu i Londrës “merr emrin” e Arsenalit, Totenhemi pëson humbjen e parë për këtë sezon

1 Tetor 2022, 15:23, Sport CNA

Arsenali triumfon bindshëm në derbin e veriut të Londrës ndaj Totenhem dhe i rimerr kreun Mançester Sitit. “Emirates Stadium” shijoi performancën e “The Gunners” me protagonist të padiskutueshëm Gabriel Zhezus.

Ishin vendasit ata që zhbllokuan rezultatin, duke gjetur rrugën drejt rrjetës në minutën e 20’ me Partey. Megjithatë ky avantazh i “The Gunners” zgjati vetëm 11 minuta, pasi në minutën e 31’ Herri Kejn realizoi golin e barazimit nga pika e bardhë e penalltisë.

Më pas në minutën e 49’, pra 4 minuta pas nisjes së pjesës së dytë, Gabriel Zhezus do t’i dhuronte avantazhin ekipit të Mikel Artetës.

Situata u vështirësua më shumë për skuadrën e Antonio Kontes në minutën e 62’ kur pas një ndërhyrjeje të gabuar, Emerson mori karton të kuq dhe la ekipin e tij në inferioritet numerik.

Ndërsa në minutën e 67’ ishte Granit Xhaka ai i cili do të gjente rrugën drejt rrjetës duke e çuar rezultatin e kësaj sfide në 3-1.

Kështu Arsenali i shkakton humbjen e parë për këtë sezon Totenhemit dhe rimerr përkohësisht kreun e renditjes me 21 pikë, teksa “Spurs” qëndrojnë në vend të tretë me 17 pikë të grumbulluara.

Arsenal-Totenhem 3-1 (Partey 20′ Jesus 49′ Xhaka 67′ / Kane 31′ pen.)