web counter
LEXO PA REKLAMA!

SHKARKO APP

App Store
Google Play

E fundit!

x

Uzunit i duhen vetëm 7 gola për të shkruar emrin në librin e historisë në Spanjë

6 Mars 2023, 11:38, Sport CNA

Myrto Uzuni është lojtari më i mirë në La Liga 2, kjo nuk diskutohet më në Spanjë me sulmuesin shqiptar që po kalon formën e jetës duke shkëlqyer nga java në javë me gola për ekipin e Granadës. Këtë sezon ka shënuar plot 18 gola në 27 ndeshje dhe ka ende 12 të tjera për t’u zhvilluar.

Në këto 12 sfida të fundit, 27-vjeçari beratas do të tentojë të fusë emrin e tij në librat e historisë së futbollit spanjoll teksa i duhen edhe 7 gola për të thyer rekordin prej më shumë se 70 vitesh.

Që në vitet 50-të të shekullit të kaluar, rekordi i më shumë golave në një sezon në këtë kategori është vendosur me 25 gola, por beratasi është duke e kërcënuar seriozisht. Me ritmin e këtij viti, Uzuni mund t’ia dalë dhe të hyjë në historinë e futbollit spanjoll.

Prej kohësh, shqiptari ka deklaruar hapur se ka idhull Kristiano Ronaldon, me të cilin kanë ndarë edhe fanellat kur përballeshin para disa vitesh në ndeshjen Juventus – Ferencvaros.

Me një postim në rrjetet sociale, beratasi ka ndarë një video ku motivohet nga fjalët e portugezit në një intervistë të tij disa vite më parë dhe mbi të shkruan: Mbreti.

“Dua të them që ndihem i lumtur, e gjithë kjo ndodhi për një arsye, arsyeja është që unë jam i pabesueshëm brenda fushës dhe për këtë, njerëzit kanë interes të madh tek unë. A jam futbollisti më i mirë në botë? Mendoj se po, në mendjen time unë jam gjithmonë më i miri. Nuk më intereson se çfarë mendojnë njerëzit e tjerë, çfarë thonë. Në mendjen time, jo vetëm këtë vit por gjithmonë, unë jam më i miri.” -tha portugezi në një intervistë.





Lajmet e fundit nga