web counter
LEXO PA REKLAMA!

SHKARKO APP

App Store
Google Play

Partizani-Tirana, 90 minuta zjarri/ Çfarë pritet nga sfida mes rivalëve të përjetshëm

6 Mars 2023, 08:55, Sport CNA

Partizani dhe Tirana si zakonisht ndalin kryeqytetin disa herë në një kampionat. Realisht është ndeshja më e madhe e Shqipërisë, por edhe shteteve përreth.

Një derbi me “D” të madhe, ashtu siç i ka hije një ndeshjeje ku qyteti është i ndarë. Ku gjysma e qytetit është e kuqe dhe tjetra bardheblu siç ndodh prej pasluftës. Edhe pse dy skuadrat kanë bërë historinë e futbollit shqiptar në sezonin e fundit janë duke luftuar për të qenë kampione të Shqipërisë. Fakt është që derbi mes Partizanit dhe Tiranës, skuadra të cilat i ndan një trepikësh në avantazh të bardhebluve. Dihet dhe shihet qartë se një fitore në derbi do të vendoste shumë për udhën drejt titullit. Nëse do ta fitojnë ndeshjen të kuqtë, ata janë në lojë për të qenë pretendentë për të fituar kampionatin. Nga ana tjetër, nëse në sfidën e sotme triumfojnë bardheblutë, këta të fundit marrin arratinë me gjashtë pikë nga vendi i dytë.

Gjithsesi, plani i titullit është vetëm një anë e këtij derbi. Ringritja apo ringjallja është plani i dytë i kësaj ndeshjeje. Partizani vjen në këtë sfidë me humbje në kampionat, humbje në Kupë dhe është në krizë rezultatesh. Nëse humbet me Tiranën, Partizani humb çdo mundësi për një trofe në këtë kampionat. Thjesht del jashtë çdo objektivi. Për Tiranën është pak më ndryshe. Bardheblutë kanë fituar Superkupën, janë të kualifikuar në Kupë dhe në vendin e parë në kampionat. Vijnë nga një humbje me Teutën, por në fund gjërat mund të shkojnë mirë për ta. Sido që të jetë dhe çfarëdo të bëjnë skuadrat në fushën e lojës, derbi i sotëm nuk është gjë tjetër veçse një luftë për titullin dhe ringjalljen e dy skuadrave të kryeqytetit.





Lajmet e fundit nga