web counter
LEXO PA REKLAMA!

SHKARKO APP

E fundit!

x

UEFA “trondit” klubin anglez, e përjashton nga kompeticioni europian

11 Korrik 2025, 18:08, Sport CNA

UEFA “trondit” klubin anglez, e përjashton nga kompeticioni

Crystal Palace është përjashtuar nga Europa League për sezonin 2025-26 për shkak të shkeljes së rregullave mbi pronësinë shumë-klubëshe.

UEFA zbuloi se John Textor, aksionari kryesor te Palace, ka ndikim të rëndësishëm edhe te Lyon, çka bie ndesh me rregulloret e institucionit europian. Klubi anglez do të marrë pjesë në Conference League në vend të Europa League. Vendimi vjen pas apelimit të suksesshëm nga Lyon, që shmangu rënien në Ligue 2 dhe fitoi të drejtën për të garuar në Europë.

Palace dhe drejtuesit e saj argumentuan se Textor nuk ka kontroll vendimtar, por UEFA nuk u bind dhe vendosi të mos pranojë zgjidhje të vonuara si shitja e aksioneve.

Klubi do të apelojë vendimin në Gjykatën e Arbitrazhit për Sport. Ndërkohë, ekziston mundësia që Nottingham Forest të zëvendësojë Palace në Europa League.

UEFA theksoi se vendimi është bazuar në rregullat e qarta të saj për pronësinë e ndarë të klubeve që marrin pjesë në të njëjtat gara.





Lajmet e fundit nga