web counter
LEXO PA REKLAMA!

SHKARKO APP

App Store
Google Play

U kualifikua me vështirësi në Kupë, Ançeloti nuk përmbahet: Ky nuk është futboll, është sport tjetër

4 Janar 2023, 09:04, Sport CNA

U kualifikua me vështirësi në Kupë, Ançeloti nuk

Një gol i Rodrigos në pjesën e dytë të ndeshjes i mundësoi Real Madridit kualifikimin e mëtejshëm në Kupën e Mbretit duke siguruar fitoren 1-0 ndaj amatorëve të Kasereno. Por Karlo Ançeloti ishte shumë i pakënaqur pas sfidës.

Edhe pse ai pranoi se formula e Kupës së Mbretit që lejonte skuadrat e vogla që të përballeshin me gjigantët e La Ligës ishte shumë argëtuese për tifozët, ai theksoi se terrenet duheshin përmirësuar në mënyrë që të gjithë të shihnin futboll cilësor.

“Nuk mund të luhet në këtë fushë. Sipas meje ky nuk është futboll, është sport tjetër. Formula është e bukur pasi skuadrat e vogla mund të konkurrojnë me të mëdhatë. Është e bukur edhe për tifozët. Por edhe vetë tifozët duan të shohin ndeshje të bukura futbolli”, theksoi trajneri pas sfidës.

“A e rrezikuam kualifikimin? Jo, në asnjë moment. Ishte ndeshje e luftuar dhe e barabartë, por cilësitë më të mira që kemi nuk u panë në një terren ku nuk mund të luhet me topin në tokë. Më pëlqeu gjithçka nga minuta e parë e deri në të fundit, e dinim që duhej të vuanim, por nuk rrezikuam asgjë mbrapa dhe kjo ishte ndeshja e dytë radhazi pa pësuar gol”, theksoi tekniku italian në fund të sfidës.





Lajmet e fundit nga